काठमाडौं - कम्युनिस्ट देशको भर पर्दा श्रीलंकाली जनताले अहिले अकल्पनीय आर्थिक संकटको सामना गर्नुपरेको छ । चीनको ‘ऋणको आर्थिक जाल’ मा परेको श्रीलंका टाट पल्टिने दिशामा अघि बढेको छ ।

कतिसम्म भने श्रीलंकामा कागज खरिद गर्न विदेशी मुद्रा नभएपछि राष्ट्रिय परीक्षा स्थगित भएको छ । विदेशी मुद्रा सञ्चितिको अभाव भएपछि श्रीलंकाले पश्चिमी प्रान्तमा सोमबारबाट सुरु हुने भनिएको परीक्षा अनिश्चितकालका लागि स्थगित गरेको छ ।

श्रीलंकाले प्रश्नपत्र छाप्ने कागज आयात गर्न सकेको छैन । श्रीलंका सन् १९४८ मा स्वतन्त्रत भएपछि सबैभन्दा खराब आर्थिक संकटबाट गुज्रिएको छ । पश्चिमाञ्चल प्रदेशको शिक्षा विभागले आवश्यक कागज र मसी आयात गर्न विदेशी मुद्राको अभाव रहेको जनाएको छ ।

प्रश्नपत्रसमेत छाप्न नसकिने अवस्थामा पुगेपछि विद्यालयका प्रधानाध्यापकहरूले परीक्षा लिन अस्वीकार गरेको विभागले जनाएको छ ।

यसपालि प्रश्नपत्र छाप्न नसकिने अवस्था आएपछि विद्यार्थीलाई परीक्षा नै नलिई अर्को कक्षामा बढुवा गर्ने तयारी भएको छ ।

अत्यावश्यक वस्तु आयातका लागि विदेशी मुद्रा सञ्चितिको अभावले ल्याएको कमजोर आर्थिक संकटले मुलुकमा खाद्यान्न, इन्धन र औषधिको अभाव भएको छ ।

सरकारले दूधको धुलो, चिनी, दाल र चामललगायत रासनको व्यवस्था गरेपछि किराना पसलमा लामो लाइन लागेको छ । चीनको दबाबमा श्रीलंकाले अमेरिकन सहयोग एमसीसी अस्वीकार गरेको थियो ।

त्यसपछि श्रीलंकाको दुर्दशाको अवस्था आएको छ । चीनले महँगो व्याजमा दिएको ऋण श्रीलंकाले तिर्न नसक्दा एउटा बन्दरगाहलाई चीनले ९९ सय वर्षका लागि कब्जा नै गरिदिएको छ ।

चीनको उक्साहटमा श्रीलंकाले अमेरिका, भारत जस्ता देशहरूसँगको सम्बन्धमा दूरी बढाएको छ । नेपालले पनि झन्डै श्रीलंकाको नियति भोग्नुपर्ने अवस्था आइसकेको थियो ।

तर, कांग्रेस सभापति एवं प्रधानमन्त्री शेरबहादुर देउवाको सुझबुझले नेपालको संसदले एमसीसी पास गरेको छ ।

नेपालको यो कार्यबाट अमेरिका खुसी मात्र भएको छैन, केही वर्षभित्र नेपालमा अर्बौ डलरको अनुदान र सहयोग प्राप्त गर्ने अवस्था आएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?