काठमाडौं - अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) संसदबाट पारित गर्ने नगर्ने भन्ने विषयले नेपालमा रडाको मच्चिएको छ ।

सत्तारुढ गठबन्धन यही विषयले टुट्ने खतरा छ । नेपाली कांग्रेसले गठबन्धनको बेवास्ता गर्दै एमसिसी संसदबाट पारित गर्ने भएपछि माओवादी केन्द्रका अध्यक्ष पुष्पकमल दाहाल प्रचण्डलाई भाउन्न भएको छ । शुक्रबार बिहानै उनले एमाले अध्यक्ष केपी ओलीलाई एमसिसीबारे सहयोग गर्न अनुरोध गरेका छन् ।

तर, ओलीले गठबन्धनसँग एक सय ६५ सांसद छँदै छन्, आफैं निर्णय गर्नुस् भनेर जवाफ फर्काएका छन् । संसदबाट एमसिसी अनुमोदन गर्न सामान्य बहुमत भए पुग्छ ।

त्यो अहिले गठबन्धनसँग पनि छ । कांग्रेस र एमाले मिले भने पनि पुग्छ । मात्र संसद बैठक बस्नुपर्ने हुन्छ । तर, सभामुख अग्निप्रसाद सापकोटाको अहंकारको बन्दी बनेको संसद् ।

उनले आफूखुसी प्रतिनिधिसभा बैठक सारिरहेका छन् । यदि सभामुख सापकोटा यही ढंगले अघि बढेमा कांग्रेस बाध्य भएर एमालेसँग मिल्ने सम्भावना देखिएको छ ।

सोही कारण पछिल्लो समय कांग्रेस र एमालेबीच सहकार्यको सम्भावना बढ्दै गएको बताउन थालिएको छ । एमाले अध्यक्ष केपी ओली र प्रधानमन्त्री शेरबहादुर देउवाबीच एउटा भद्र सहमति भएको स्रोतले बताएको छ ।

एमसिसीमा माओवादी केन्द्रले अवरोध गरे संसद विघटन गरेर अर्ली निर्वाचनमा जाने विषयमा पनि कांग्रेस र एमालेबीच छलफल सुरु भएको छ ।

त्यसैले सभामुख सापकोटालाई आफ्नो अहंकार त्याग्न गठबन्धनमा दबाब बढ्दो छ । संसदको अंकगणितले सभामुखकै पद धरापमा छ भन्ने बुझ्न उनलाई चेतावनी पनि दिन थालिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सभामुख सापकोटको धम्की दिँदै नेकपा कार्यकर्ताले गरे गुम्बा तोडफोड 

सभामुख सापकोटाका स्वकीय सचिवले प्रिन्सिपलको टोकिदिए औंला, दुई टाँका लगाइयो

सभामुख सापकोटा सिध्याउन ओलीको यस्तो रणनीति, सर्वोच्चमा चढाइयो मुद्दाको पेसी

सभामुख अग्नि सापकोटा विरुद्धको मुद्दामा यस्तो स्थिति, केही दिन राहत !

ओलीले संसद विघटन गरेको बल्ल थाहा पाए सभामुख अग्नि सापकोटाले !

सभामुख अग्नि सापकोटा नै केपी ओलीको समर्थनमा ! प्रचण्डलाई आफ्नैबाट धोका