काठमाडौं - सभामुख अग्निप्रसाद सापकोटाको पद धरापमा परेको छ । वर्तमान सरकारविरुद्ध खुलेयाम लागेपछि गठबन्धन नै टुट्ने संकेत देखापरेको छ ।

प्रधानमन्त्री शेरबहादुर देउवालाई असफल बनाउन पर्दाभित्रबाट षड्यन्त्रमा लागेका सापकोटालाई हटाउन गठबन्धनभित्रै छलफल चलेको छ ।

प्रधानमन्त्री देउवाले सहमतिमै अमेरिकी सहयोग मिलेनियम च्यालेन्ज कर्पोरेसन (एमसिसी) संसदमा अघि बढाउन चाहेका थिए ।

गठबन्धन कायमै राख्ने गरी प्रमुख प्रतिपक्षी दल एमालेको सहमतिमै एमसिसी थोरै परिमार्जनसहित संसदबाट अनुमोदन गराउन चाहन्थे । तर, सभामुख सापकोटाले कसैसँग सल्लाह नै नगरी १० दिन प्रतिनिधिसभा बैठक सारेपछि असन्तुष्टि चुलिएको हो ।

एमसिसी अनुमोदन गर्ने कि नगर्ने भन्नेमा गठबन्धनमै दुईथरी मत छ । माओवादी केन्द्र र एकीकृत समाजवादी केही बुँदा परिमार्जन गरेर संसदमा टेबुल गर्नुपर्ने पक्षमा छन् ।

नेपाली कांग्रेस र जसपा जस्ताको तस्तै पास गर्दा केही फरक नपर्ने पक्षमा छन् । राजमो सबै दलको सहयोगमा एमसिसी खारेज गर्नुपर्ने पक्षमा छन् । माओवादीमा एउटा लबी एमसिसी कुनै पनि हालतमा पारित गर्न नहुने पक्षमा छ ।

जसको नेतृत्व नारायणकाजी श्रेष्ठले गरिरहेका छन् । सभामुख सापकोटा पनि श्रेष्ठकै लहलहैमा लागेर एमसिसी तुहाउने खेलमा लागेको भन्दै उनलाई हटाउनुपर्ने आवाज बलियो बन्दै गएको हो ।

एमालेले सभामुख सापकोटालाई हटाए आफूले एमसिसी पास गर्न सहयोग गर्ने प्रस्ताव बालुवाटारलाई पठाइसकेको खबर सार्वजनिक भएको छ । आफ्ना १४ सांसदलाई कारबाही नगरी पद थमौती गरिदिएको भन्दै एमाले सापकोटासँग रुष्ट छ ।

उसले ६ महिनादेखि सभामुखलाई राजीनामा दिन दबाब दिइरहेको छ । सापकोटाकै कारण गठबन्धन टुट्ने देखिएपछि उनको पद धरापमा परेको बताउन थालिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सभामुख सापकोटको धम्की दिँदै नेकपा कार्यकर्ताले गरे गुम्बा तोडफोड 

सभामुख सापकोटाका स्वकीय सचिवले प्रिन्सिपलको टोकिदिए औंला, दुई टाँका लगाइयो

सभामुख सापकोटा सिध्याउन ओलीको यस्तो रणनीति, सर्वोच्चमा चढाइयो मुद्दाको पेसी

सभामुख अग्नि सापकोटा विरुद्धको मुद्दामा यस्तो स्थिति, केही दिन राहत !

ओलीले संसद विघटन गरेको बल्ल थाहा पाए सभामुख अग्नि सापकोटाले !

सभामुख अग्नि सापकोटा नै केपी ओलीको समर्थनमा ! प्रचण्डलाई आफ्नैबाट धोका