काठमाडौं – प्रमुख प्रतिपक्षी दल नेकपा एमालेले लगातार संसद बैठक अवरुद्ध गरिराखेपछि सभामुख अग्निप्रसाद सापकोटाले कडा कदम चालेका छन् ।

मंगलबार प्रतिनिधिसभा बैठक सुरु भएलगत्तै वेल घेर्दै नाराबाजी गरेर चिच्याइरहेका एमाले सांसदलाई बेवास्ता गर्दै सभामुख सापकोटाले बैठक अगाडि बढाएका छन् ।

एमालेको विरोधबीच अर्थमन्त्री जनार्दन शर्माले विनियोजन विधेयक २०७८ माथि विचार गरियोस् भन्ने प्रस्ताव पेश गरेका छन् ।

सामान्यतया प्रतिपक्षीले वेल घेरिरहेका बेला संसद बैठक अगाडि बढ्दैन । तर सभामुख सापकोटा कडा रूपमा प्रस्तुत हुँदै बैठक अगाडि बढाएका छन् । 

प्रतिनिधि सभाको नवौं अधिवेशन भदौ २३ गते सुरू भएसँगै एमालेले बैठक अवरुद्ध गर्दै आएको छ ।

विगतमा एमालेमा रहेर बैशाख २७ गते तत्कालीन प्रधानमन्त्री तथा पार्टी अध्यक्ष केपी शर्मा ओलीलाई विश्वासको मत नदिनेमध्ये १४ सांसदलाई पदमुक्त गर्नुपर्ने अडान राख्दै एमालेले सभामुख सापकोटाको विरोध गरिरहेको छ । एमाले पार्टीले गरेको कारवाहीका आधारमा सभामुख सापकोटाले १४ सांसद पदमुक्त भएको सूचना जारी गर्नुपर्ने एमालेको अडान छ ।

यसअघि संसदको अवरोध हटाउन सोमबार सभामुख सापकोटाले सर्वदलीय बैठक राखेपनि एमाले सहभागी भएन । एमालेले कि १४ सांसदलाई पदमुक्त गर्नुपर्ने कि सभामुख सापकोटाले राजीनामा दिनुपर्ने अडान लिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सभामुख सापकोटको धम्की दिँदै नेकपा कार्यकर्ताले गरे गुम्बा तोडफोड 

सभामुख सापकोटाका स्वकीय सचिवले प्रिन्सिपलको टोकिदिए औंला, दुई टाँका लगाइयो

सभामुख सापकोटा सिध्याउन ओलीको यस्तो रणनीति, सर्वोच्चमा चढाइयो मुद्दाको पेसी

सभामुख अग्नि सापकोटा विरुद्धको मुद्दामा यस्तो स्थिति, केही दिन राहत !

ओलीले संसद विघटन गरेको बल्ल थाहा पाए सभामुख अग्नि सापकोटाले !

सभामुख अग्नि सापकोटा नै केपी ओलीको समर्थनमा ! प्रचण्डलाई आफ्नैबाट धोका