काठमाडौं, २८ भदौ - पदीय मर्यादाको ख्याल नगरेको आरोप लगाउँदै प्रमुख प्रतिपक्ष दल एमालेले सभामुख अग्निप्रसाद सापकोटाले जिम्मेवारीबाट मार्गप्रशस्त गर्नुपर्ने अडान राख्ने भएको छ ।

सभामुख सापकोटाले बोलाएको सर्वदलीय बैठकलाई अध्यक्ष केपी ओलीले बहिस्कार गरे पनि एमालेले भने पदीय मर्यादा नराखेको भन्दै राजीनामा दिएर मार्गप्रशस्त गर्नुपर्ने अडान राख्ने भएको हो ।

एमाले संसदीय दलका उपनेता सुवासचन्द्र नेम्वाङले प्रमुख सचेतक विशाल भट्टराईमार्फत मार्गप्रशस्तको सन्देश पठाउन लागिएको जानकारी दिए । ‘सभामुखले बोलाएको बैठकमा अध्यक्षज्यू पनि जानु हुन्न, म पनि जान्नँ । तर प्रमुख सचेतकले सभामुखलाई भेटेर दुइटा सन्देश भने दिनु हुनेछ,’ नेम्वाङले  भने, ‘पहिलो एमालेले कारबाहीका लागि सिफारिस गरेका सांसदलाई पदमुक्त गरेको सूचना टाँस गर्नुपर्नेछ र दोस्रो पदीय जिम्मेवारीविपरीत कार्य गरेकाले सभामुखले राजीनामा दिएर मार्गप्रशस्त गर्नुपर्ने सन्देश दिनुहुनेछ ।’

उनका अनुसार सभामुख सापकोटाले बैठक सञ्चालन गर्नुअगावै भट्टराईले सो सन्देश दिनलाई निर्देशन दिइसकिएको छ । पार्टी गतिविधिविपरीत लागेको भन्दै एमालेले गत १ भदौमा तत्कालीन वरिष्ठ नेता माधवकुमार नेपाललगायत १४ जना सांसदलाई पदमुक्त गर्न सिफारिस गरेका थियो ।

तर सभामुख सापकोटाले पदमुक्त नगरी दिएकाले पार्टी विभाजन भएको एमालेको बुझाई छ । सोही कारण एमाले विभाजित भई नेपालको नेतृत्वमा नेकपा (एकीकृत समाजवादी) गठन भएको भन्दै एमालेले निरन्तर प्रतिनिधिसभा बैठक अवरोध गर्दै आएको छ ।

एमालेले निरन्तर प्रतिनिधिसभा बैठक अवरोध गरे पछि आज दिउँसो २ बजे सभामुख सापकोटाले सर्वदलीय बैठक आह्वान गरेका छन् । तर बैठकमा प्रमुख प्रतिपक्ष दलका नेता ओली र उपनेता नेम्वाङ नजाने बताएका छन् ।

ओली र नेम्वाङ नजाने भएपछि प्रमुख सचेतक भट्टराईमार्फत पार्टीको सन्देशसहित बैठक अगाडि नै सभामुख सापकोटालाई भेट्ने प्रयत्नमा लागेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सभामुख सापकोटको धम्की दिँदै नेकपा कार्यकर्ताले गरे गुम्बा तोडफोड 

सभामुख सापकोटाका स्वकीय सचिवले प्रिन्सिपलको टोकिदिए औंला, दुई टाँका लगाइयो

सभामुख सापकोटा सिध्याउन ओलीको यस्तो रणनीति, सर्वोच्चमा चढाइयो मुद्दाको पेसी

सभामुख अग्नि सापकोटा विरुद्धको मुद्दामा यस्तो स्थिति, केही दिन राहत !

ओलीले संसद विघटन गरेको बल्ल थाहा पाए सभामुख अग्नि सापकोटाले !

सभामुख अग्नि सापकोटा नै केपी ओलीको समर्थनमा ! प्रचण्डलाई आफ्नैबाट धोका