चीन – चिनियाँ विदेशमन्त्री वाङ यी र तालिवानका सहसंस्थापक मुल्लाह अब्दुल घानीबीच भेटवार्ता भएको छ । उनीहरूबीच बुधबार उत्तरी चीनको तिआनजिनमा भेट भएको हो ।

अमेरिकी सेना फर्किएपछि अफगानिस्तानमा लगातार आफ्नो प्रभुत्व बढाइरहेको तालिवानको एक प्रतिनिधिमण्डल चीन गएको थियो ।

चिनियाँ टेलिभिजन सिजिटिएनका अनुसार विदेशमन्त्री वाङले तालिवान प्रतिनिधिमण्डललाई ‘चीनविरोधी’ आतंकवादी संगठन इस्ट तुर्किस्तान इस्लामिक मुभमेन्टसँगको सम्बन्ध तोड्न आग्रह गरेका थिए ।

भेटमा वाङले तालिवानले युद्ध बिसाएर शान्ति सम्झौतामा आउने विश्वास व्यक्त गरेको बिबिसीले जनाएको छ । उनले शान्ति सम्झौतामा आएर अफगानिस्तानको पुनर्निर्माणमा तालिवानले भूमिका खेल्नुपर्ने बताएका थिए । यो भेट अफगानिस्तान सरकार र तालिवानबीचको संघर्ष उच्च भइरहेको समयमा भएको हो । 

"तालिवानका प्रवक्ता मोहम्मद नइमले एक ट्विट गर्दै चीन भ्रमणबारे बताएका छन् । यो बैठकमा राजनीति, अर्थव्यवस्था, दुई देशको सुरक्षासँग जोडिएका विषय,अफगानिस्तानको वर्तमान अवस्था र शान्तिप्रक्रियाबारे चार्चा भयो," मोहम्मदले ट्विटमा भनेका छन् । चीनले अफगानिस्तानको आन्तरिक मामिलामा दख्खल नदिने, तर शान्ति स्थापनाका लागि सहयोग गर्ने बताएको उनले ट्विट गरेका छन् ।

अमेरिकासँग व्यापार युद्धमा होमिएको चीनले तालिबानी नेतालाई भेट्नु अर्थपूर्णरुपमा हेरिएको छ । एकातिर चीनले अफगानिस्तानमा शान्तिको कुरा गरिरहेको छ भने अर्कोतर्फ तालिबानी नेताहरुलाई सहयोगको आश्वासन । यसअघि दोहा सम्झौतापछि पनि तालिबानी नेता र चिनियाँ राष्ट्रपतिबीच भेट भएको थियो । चीनले पाकिस्तानमार्फत तालिबानी समूहलाई सहयोग गरिरहेको आरोपसमेत लाग्ने गरेको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?