काठमाडौं - सर्वोच्च अदालतको फैसलापछि एमाले कसरी अघि बढ्छ भन्ने सर्वत्र चासो देखिएको छ । एमाले अध्यक्ष केपी ओलीले आजै दिउँसो प्रधानमन्त्री निवास बालुवाटारमा स्थायी कमिटीको बैठक बोलाएका छन् ।

ओलीले बोलाएको स्थायी कमिटी बैठकमा माधवकुमार नेपाल पक्ष जाने नजाने निश्चित भइसकेको छैन । नेता नेपालले आफूपक्षीय नेताहरूसँगको छलफलपछि मात्र निर्णय हुने बताएका छन् ।

तर, पछिल्लो समय केपी ओली निकट हुन पुगेका भीम रावल मंगलबार बिहानै वरिष्ठ नेता नेपालसँग भेट गर्न कोटेश्वर पुगेका थिए । हिजो सर्वोच्च अदालतको फैसलापछि बालुवाटारमा प्रधानमन्त्री ओलीसँग भेट गरेका रावल नेता नेपालसँग भेटघाट गर्न जत्था नै लिएर पुगेका थिए ।

सर्वोच्चको फैसलापछि उत्पन्न विशेष परिस्थितिलाई ध्यानमा राखेर एमाले कार्यदलले तयार पारेको प्रस्ताव र सिफारिशमा समर्थन जनाइदिन रावलले नेता नेपाललाई अनुरोध गरेको स्रोतले बतायो ।

स्रोतका अनुसार कार्यदलमा रहेका नेता नेपालपक्षीय बहुमत सदस्यहरुको जोड नेपाललाई त्यही १० बुँदे सहमतिमा हस्ताक्षर गराउने भन्ने रहेको छ । तर, अहिलेसम्म नेपालले त्यसमा सहमति जनाइसकेका छैनन् ।

कार्यदलले सहमति र प्रस्ताव गरेको १० बुँदालाई अन्तिम रुप दिन अध्यक्ष ओली र नेता नेपालबीच भेटवार्ता हुनैपर्छ । नेपाल पनि ओलीलाई भेट्ने मनस्थितिमा छैनन् भने ओलीले अब नेपालसँग सँगै बस्ने सम्भावना क्षीण भएको आफू निकटलाई बताउन थालेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

मन्त्री बन्न भीम रावलले यतिसम्म गरेपछि..

नेकपा विवादमा राष्ट्रपति सक्रिय भएपछि भीम रावल आक्रोशित, दिए यस्तो चेतावनी

सुदूरपश्चिम नेकपामा भीम रावल नै बलियो, ओलीले लेखराज भट्ट लगे पनि परेन प्रभाव

ओलीलाई भीम रावलको कटाक्ष, लम्पसार नै पर्नु छ भने जसपालाई २० मन्त्री दिएर आफू पाँच मन्त्री राख्नु

भिम रावलले अपनाए गज्जबको तरिका, कतै सन्नाटा कतै खुसीले गद्गगद !

एमालेको बन्दसत्र दुई दिनदेखि उपलब्धिहीन, रावल र भुसालले देखाइदिए ओलीलाई तिरिमिरीझ्याइँ