काठमाडौँ- अस्ट्रेलियन लेखक यांग हेंगजुनलाई चिनियाँ अधिकारीहरुले पक्राउ गरेर जासुसी गरेको आरोपमा मुद्दा चलाइएको छ । तर, उनले भने कुनै पनि जासुसीमा आफू संलग्न नभएको दाबी गरिरहेका छन् । उनले न्यायाधीशलाई आफूविरुद्धका सबै झुटा प्रमाणहरु हटाउन आग्रह गर्दै आफूलाई यातना दिइरहेको प्रमाणहरु पेश गर्न माग गरेका छन् । 

उनले साथीलाई पठाएको सन्देश अनुसार उनले चिनियाँ हिरासतमा यातना दिइएको छ । उनलाई अनावश्यकरुपमा जासुसी गरेको आरोपमा पक्राउ गरेको हो । चिनियाँ अधिकारीहरुले राज्यको सुरक्षासम्बन्धी जासुसीमा उनी संलग्न भएको दाबी गरेका छन् । तर, उनले अस्वीकार गरे पनि चिनियाँ अधिकारीहरुले दोष स्वीकार्न यातना दिएका थिए । 

उनले आफूलाई झुटा आरोपमा नियन्त्रणमा लिएर, झुटा प्रमाणहरु बनाएर यातना दिएकोमा भूराजनीतिक तनाव उत्पन्न हुने चेतावनीसमेत दिएका छन् । उनले अन्तर्राष्ट्रिय सम्बन्धमा आएको तनाव, राजनीतिक दबाब अथवा राष्ट्रिय सुरक्षाका नाममा कुनै गलत निर्णय लिइएको निकै नराम्रो हुने बताएका छन् । 

जनवरी २०१९ मा यांगलाई पक्रउा गरिएको थियो । पछिल्लो समय अष्ट्रेलिया र चीनबीच कूटनीतिक सम्बन्धमा तनाव उत्पन्न भएको छ । चीनले अष्ट्रेलियाबाट केही आयातमा ब्यापार प्रतिबन्ध लगाएको छ र कोरोना भाइरसको उत्पत्तिमा अन्तर्राष्ट्रिय अनुसन्धान गर्न आह्वान गरेकोमा आक्रोश व्यक्त गरेको थियो । 

अष्ट्रेलियाले यांगविरुद्ध झुटा आरोप लगाएर हिरासतमा राख्नु गैरकानुनी रहेको जनाएको छ । अस्ट्रेलियाले आफ्ना नागरिकलाई तत्काल रिहा गर्नसमेत माग गरेका छन् । शुक्रबार विदेशमन्त्री मारीस पाइनले उनको रिहाइका लागि पहल भइरहेको बताएकी हुन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?