ब्रसेल्स - चीन र युरोपियन युनियनबीच हुने भनिएको लगानी सम्झौतालाई स्वीकार गर्न नसकिने ईयूका सांसद्हरुले बताएका छन् । युरोपियन युनियनका सांसद्हरुले चीनको लगानीलाई रोक्नसमेत माग गरेका छन् । 

साउथ चाइना मोर्निंग पोस्टका अनुसार बुधबार युरोपेली संसदमा भएको छलफलमा ३० जनाभन्दा बढी सदस्यहरूले गत महिना बेइजिंगले लगाएको प्रतिबन्धकोसमेत खण्डन गरेका थिए । यस निर्वाचनमा निर्वाचित अधिकारी, राजदूत, शिक्षाविद् र थिंक ट्यांकहरुको एउटा समूहलाई लक्षित गरिएको थियो ।

उनीहरूले चीनलाई लगानी सम्झौतालाई अगाडि बढाउन नसकिने बताएका हुन् । विश्वको दोस्रो ठूलो अर्थतन्त्र भएको मुलुक चीनले मानवअधिकारको पक्षमा खर्च नगरेको, मानवअधिकारको चरम उल्लंघन गरेका कारण चिनियाँ लगानीलाई स्वीकार गर्न नसकिने बताएका हुन् । 

चीनको बढ्दो प्रभाव र हस्तक्षेपकारी भूमिकालाई रोक्नका लागि ठोस कदम चाल्नुपर्ने समय आइसकेको समेत ईयूका सांसद्हरुले बताएका छन् । यसअघि ईयुले इण्डो प्यासिफिक क्षेत्रमा बढ्दो चिनियाँ प्रभावलाई रोक्नका लागि नयाँ रणनीति सार्वजनिक गरेको थियो । 

ईयूले चीनको सिन्जियांगमा मानवअधिकारको चरम उल्लंघन गर्दै अल्पसंख्यक उइगर मुस्लिम समुदायका मानिसहरुलाई यातना दिने गरेको भन्दै केही चिनियाँ अधिकारीहरुलाई प्रतिबन्ध लगाएको थियो । त्यसको बदलामा चीनले पनि चीनको उइगरका अधिकारको पक्षमा वकालत गर्ने सांसद्हरुलाई प्रतिबन्धको घोषणा गरेको थियो । 

अमेरिका, बेलायतलगायतका पश्चिमा मुलुकहरुसँगको सम्बन्ध तनावपूर्ण बनिरहेको समयमा ईयूले चीनको लगानीसम्बन्धी प्रस्तावलाई स्वीकार गर्न नसकिने बताएका हुन् । ईयुका प्रमुख कूटनीतिज्ञ जोसेप बोरेलले मानवअधिकारको रेकर्डका कारण आलोचना भएको भन्दै चीनसँग तत्कालन कुनै सम्झौता हुन नसक्ने बताएका हुन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?