काठमाडौं – कोरोना भाइरस (कोभिड–१९) संक्रमण बढ्दै गइरहेका बेला सरकारले परिस्थिति हेरेर पुनः लकडाउन गरिने जनाएको छ ।

स्वास्थ्य तथा जनसंख्या मन्त्रालयका सहप्रवक्ता डा. समीर अधिकारीले कोरोना संक्रमित उच्च भएमा परिस्थिति हेरेर लकडाउन गरिने जानकारी दिए ।

‘संक्रमणको अवस्था बिग्रिएमा सरकारले जनस्वास्थ्यका मापदण्ड कार्यान्वयनमा कडाइ गर्नेछ,’ अधिकारीले भनेका छन्, ‘संक्रमित संख्या बढ्दै गए परिस्थिति अनुसार लकडाउनको निर्णय हुनसक्छ ।’

चैत १५ र १६ गते मनाइने फागू पर्व होलीलाई घरमै रहेर मनाउन र जनस्वास्थ्यका मापदण्ड कडाइका साथ पालना गर्न समेत मन्त्रालयले सबैमा आग्रह गरेको छ ।

मन्त्रालयका अनुसार पछिल्लो २४ घण्टामा १४५ संक्रमित थप देखिएका छन् । ३ हजार ९६३ जनामा पीसीआर परीक्षण हुँदा १ जनाको मृत्यु भएको छ ।

कूल संक्रमित संख्या २ लाख ७६ हजार ३८९ पुगेको छ भने मृतक संख्या ३ हजार २० पुगेको छ । बुधबार नेपालमा १ हजार १८३ जना सक्रिय संक्रमित रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

अन्तत: काठमाडौं उपत्यका प्रवेश निषेध !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन