काठमाडौं – प्रतिनिधि सभामा स्पष्ट बहुमत रहेको दल नेपाल कम्युनिस्ट पार्टी (नेकपा) यतिबेला विभाजनको अवस्थामा छ । प्रधानमन्त्री केपी शर्मा ओली र पुष्पकमल दाहाल ‘प्रचण्ड’ पक्ष छुट्टाछुट्टै बैठक र भेला गर्दै आफ्नो पक्षमा बहुमत रहेको दाबी गरिरहेका छन् ।

शुक्रबार संसदीय दलको बैठक राख्दै प्रचण्ड संसदीय दलको नेता चयन भएका छन् । त्यसको भोलिपल्ट शनिबार प्रधानमन्त्री ओलीको सरकारी निवास बालुवाटारमा ओली पक्षले संसदीय दलको बैठक राख्दै बहुमत सांसदको सहभागिता रहेको दाबी गरेको छ ।

संसदीय दलको बैठकमा सहभागी भएपछि सञ्चारकर्मीलाई जानकारी दिँदै सांसद चक्रप्रसाद स्नेहीले बालुवाटारको बैठकमा ११५ जनाभन्दा बढी व्यक्ति उपस्थित भएको जानकारी दिए ।

बैठकमा प्रधानमन्त्री ओलीले भोलि संसद बैठकमा आफ्नो पक्षमा १२० सांसद पुग्ने जानकारी दिएका सांसद खिमलाल भट्टराईले जानकारी दिए । ‘उहाँले भोलि हाम्रो संख्या १२० पुग्छ । तपाईंहरु आत्मविश्वासका साथ एकढिक्का भएर अघि बढ्नुस् भन्नुभयो,’ भट्टराईले भने ।

प्रधानमन्त्री ओलीले बैठकमा देश र जनताको पक्षमा सरकार लागेको दाबी गर्दै आफ्ना सांसदलाई संसदमा सरकारको बचाउ गर्न निर्देशन दिए । ‘हामी देश र जनताको पक्षमा छौं । जीत हाम्रो हुन्छ,’ ओलीले बैठकमा भनेका छन् ।

सांसद भट्टराईले प्रधानमन्त्री ओलीमाथि अविश्वासको प्रस्ताव आएमा पारित हुन नसक्ने दाबी गरेका छन् । ‘अविश्वासको प्रस्ताव आए पनि जे आए पनि जसरी सरकार अघि बढेको छ, त्यस हिसाबले पास हुँदैन, ढुक्क हुनुस्,’ उनले भने ।

भोलि आईतबार अपराह्न ४ बजे प्रतिनिधिसभा बैठक बस्ने गरी अधिवेशन आह्वान गरिएको छ । प्रतिनिधिसभा बैठक अघि नेकपाका दुबै पक्षले आफूतिर बहुमत रहेको दाबी गर्दै आएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा