केपी ओलीपछि प्रचण्डको पालो, गल्ती नदोहोर्याउने र सच्चिने वाचा ! हेर्नुहोस् भिडियो
केपी ओलीपछि प्रचण्डको पालो, गल्ती नदोहोर्याउने र सच्चिने वाचा ! हेर्नुहोस् भिडियो
काठमाडौं – प्रधानमन्त्री केपी शर्मा ओली पक्षीय नेकपाले माघ २३ गते तामझामका साथ काठमाडौंको नारायणहिटी अगाडि शक्ति प्रदर्शन गर्यो । ओली पक्षीय नेकपाले यसका लागि धेरै तयारी गरेको थियो ।
ओलीपछि अब शक्ति प्रदर्शन गर्ने पालो नेकपा प्रचण्ड–नेपाल पक्षको रहेको छ । यो पक्षले माघ २८ गते काठमाडौंमा शक्ति प्रदर्शन गर्ने तयारी गरेको छ ।
शक्ति प्रदर्शनमा सहभागी हुन आह्वान गर्दै भिडियो सन्देश जारी गरेर अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले विगतका कमी–कमजोरीप्रति आत्मालोचित हुँदै सच्चिने बताएका छन् ।
माघ २८ गतेको जनप्रदर्शनका लागि नागरिकलाई आह्वान गर्दै अध्यक्षद्वय प्रचण्ड–नेपालले भोलिका दिनमा विगतको गल्ती र कमजोरी नदोहोर्याउने प्रतिबद्धता जनाएका हुन् ।
‘हामी विगतका भएका आफ्ना कमी–कमजोरीहरुको आत्मसमीक्षा गर्छौं । हुन गएका कमी–कमजोरीहरु सुधार गर्ने प्रतिबद्धता व्यक्त गर्छौं,’ भिडियो सन्देशमा उल्लेख छ ।
प्रचण्ड–नेपाल पक्षले ओली सरकारलाई एक पटक धक्का दिनैपर्ने भएकाले माघ २८ गतेको विकल्प रोजिएको जानकारी दिएका छन् । प्रधानमन्त्री ओलीले संसद विघटन गरेपछि प्रचण्ड–नेपाल पक्ष लगातार आन्दोलन गरिरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४