काठमाडौं –  प्रधानमन्त्री केपी शर्मा ओली नेतृत्वको सरकारमा रहँदासम्म गाडीघोडा लिएर सरकारकै समर्थनमा रहेका नेकपा प्रचण्ड–नेपाल पक्षका स्थायी कमिटी सदस्य घनश्याम भुसाल अब सर्वनाश हुने बताउन थालेका छन् ।

झापाको बिर्तामोडमा शनिबार कार्यकर्तालाई प्रशिक्षण दिँदै नेता भुसालले भने, ‘प्रधानमन्त्री ओलीको कदमपछि अब अरु कुनै उपाय छैन, कि संसदको पुनःस्थापना हुन्छ कि सर्वनाश । यो पक्का हो ।’

फागुन दोस्रो हप्तादेखि देशमा डरलाग्दो राजनीतिक संकट आउने भुसालले चेतावनी दिएका छन् । अबको ३ हप्तामा संसद पुनःस्थापना नभए देश बर्बादीतर्फ अघि बढ्ने उनले बताए ।

भुसालले प्रधानमन्त्री ओलीको असंवैधानिक गतिविधिका कारण मुलुक राजनीतिक संकटमा पुग्न लागेको दाबी गरेका छन् ।

प्रधानमन्त्री ओलीले विघटन गरेको संसद पुनःस्थापनाको मुद्दा सहजै जितिनेमा नेता भुसाल विश्वास व्यक्त गरे । ‘यो मुद्दा जितिएन भने सर्वनाश हुन्छ । त्यसैले संसद पुनःस्थापनाको मुद्दा कुनै पनि हालतमा जित्नैपर्छ । सर्वनाश हुन दिनु हुँदैन,’ उनले भने ।

प्रधानमन्त्री ओलीले जे भन्यो प्रचण्डले त्यही मानिदिँदा वर्तमान परिस्थिति आएको नेता भुसालको आरोप छ । ‘सत्ताबाहेक अरु केही नदेख्ने प्रधानमन्त्री ओलीले सत्ता मोहबारे पनि केही बुझेका छैनन्,’ भुसालले भने, ‘प्रचण्डले त झन् बुझेकै रहेनछन् । ओलीले जे–जे भन्यो त्यही त्यही मानिदिँदा ओलीको सत्तामोह बुझेको कतै हुन्छ ?’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा