नयाँदिल्ली - बेलायतबाट सुरु भएको नयाँ भेरियन्टको कोरोना भाइरसलाई सफलतापूर्वक आइसोलेट गर्ने विश्वमै भारत पहिलो मुलुक बनेको छ । भारतीय चिकित्सा अनुसन्धान परिषद् (आईसीएमआर) ले नयाँ प्रकारको कोरोना भाइरसलाई आइसोलेट गर्ने भारत पहिलो मुलुक बनेको दाबी गरेको छ । 

(आईसीएमआर) ले ट्विटर गर्दै भनेको छ, "हालसम्म विश्वमा नयाँ प्रकारको भाइरसको पहिचान गरि कुनै पनि मुलुकले आइसोलेट गर्न सकेको छैन । तर, भारतले यस मामिलामा सफलता हात पारेको छ ।" 

पहिलो पटक बेलायतमा विकसित भएको यो भाइरस बाह्य वातावरणमा फैलिने गरेको पाइएको छ । आईसीएआरले थप भनेको छ, "बेलायतमा देखिएको नयाँ भेरियन्टको भाइरस र यसअघिका भाइरसका लक्षणहरुमा पूरा परिवर्तन भए पनि भारतले बेलायतबाट फर्किएका व्यक्तिहरुको क्लिनिकल परीक्षणपछि नेशनल इन्स्टिच्युट अफ भाइरोलोजीमा यसको पहिचान गरि उनीहरुलाई आइसोलेट गर्न सफल भएको छ ।" 

अनुसन्धान संस्थाले भेरो सेल लाइनहरू आईसीएमआर-एनआईभीका वैज्ञानिकहरूले भाइरसको युके-संस्करणसँग मिलेको पाइएको जनाएको छ । बेलायतले केही समयअघि आफ्ना नागरिकमा देखिएको भाइरस ७० प्रतिशतभन्दा बढी संक्रामक भएको बताएको थियो । 

भारतको केन्द्रीय स्वास्थ्य मन्त्रालयले हालसम्म २९ जनामा नयाँ भेरियन्टको बेलायती कोरोना भाइरस सार्स-कोभ-२ पोजेटिभ देखिएको जानकारी दिएको छ । 

बेलायतमा देखिएको नयाँ भेरियन्टको कोरोना भाइरस डेनमार्क, नेदरल्याण्ड, अष्ट्रेलिया, इटली, स्वीडेन, फ्रान्स, स्पेन, स्विजरल्याण्ड, जर्मनी, क्यानडा, जापान, लेबनान र सिंगापुरलगायतका मुलुकमा फैलिइसकेको छ । 

नोभेम्बर २५ देखि डिसेम्बर २३ को मध्यरातसम्म लगभग ३३ हजार यात्रुहरु बेलायतका विभिन्‍न स्थानबाट भारतीय विमानस्थलमा अवतरण गरेका थिए । ती सबै यात्रुहरूलाई ट्र्याक गरि र राज्य र यूटीद्वारा आरटी-पीसीआर परीक्षण सुरु गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारतमा कोरोना महामारी बढ्दै, शहरी क्षेत्रमा भयावह, ५२ हजार नाघे संक्रमित

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन