काठमाडौं – कोरोना भाइरस (कोभिड–१९) संक्रमणपछि मृत्यु हुनेको संख्या ८० हजारभन्दा बढी पुगेपछि महामारीबाट बढी प्रभावित यूरोपेली मुलुक इटलीले स्वास्थ्य सम्बन्धी संकटकाललाई आगामी ३० अप्रिलसम्म बढाउने घोषणा गरिएको छ ।

बिहीवार सरकारद्वारा जारी विज्ञप्तिअनुसार इटलीमा हालसम्म मृत्यु भएका कोभिड–१९ संक्रमितको संख्या ८० हजारभन्दा बढी पुगेको छ ।

इटालीले सन् २०२०, ३१ जनवरीदेखि महामारीका कारण राष्ट्रिय संकटकालको घोषणा गरेको थियो । इटलीले संकटकालको विस्तारसँगै साँझ १० बजेदेखि बिहान ५ बजेसम्मलाई निषेधाज्ञा अवधि पनि तोकिएको छ । इटलीमा संक्रमणको जोखिम भएका क्षेत्रमा नियन्त्रणका फरक–फरक उपाय अवलम्बन गरिएको छ ।

सरकारले संक्रमण नियन्त्रणका लागि चौथो तहको नियन्त्रणका उपाय पनि अपनाएको छ । जसअनुसार हरेक १ लाख वासिन्दाहरु रहेका क्षेत्रमा दैनिक ५० व्यक्ति संक्रमित भएमा क्षेत्रलाई ‘ह्वाइट’ क्षेत्र मानी गतिविधि सञ्चालनमा अनुमति प्रदान गर्न सकिने जनाएको छ । तर कुनै पनि इटालियाली क्षेत्र ह्वाइट मापदण्डमा पर्न सफल भएका छैनन् ।

सरकारले इटलीका २० वटै क्षेत्रमा आन्तरिक भ्रमणका लागि पनि आगामी १५ फेब्रूअरीसम्म रोक लगाएको छ । इटलीको स्वास्थ्य मन्त्रालयद्वारा उपलब्ध गराइएको पछिल्लो तथ्यांक अनुसार इटलीमा बुधवार मात्र थप १५ हजार ७७४ व्यक्ति कोभिड संक्रमित भएका छन् भने ५०७ जनाको मृत्यु भएका छन् । यससँगै हालसम्म इटलीमा संक्रमित हुनेको संख्या ५ लाख ६४ हजार ७७४ पुगेको छ भने कूल ८० हजार ३२६ संक्रमितको मृत्यु भएको छ ।

इटलीमा बुधवार रातिसम्ममा कूल ८ लाख ८५ हजार ८१४ व्यक्तिलाई कोभिड–१९ विरूद्धको खोप दिइएको अन्तर्राष्ट्रिय सञ्चारमाध्यमले जनाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह