काठमाडौं – विवादित गतिविधि गरिरहेका अमेरिकी राष्ट्रपति डोनाल्ड ट्रम्पलाई ह्वाइट हाउसबाट लखेट्न उनीविरुद्ध महाअभियोग प्रस्ताव दर्ता हुने संकेत देखिएको छ । 

तल्लो सदनकी सभामुख नान्सी पेलोसीले ट्रम्पले राजीनामा नदिए वा उपराष्ट्रपतिले संविधानको २५ औं संशोधन बमोजिम राष्ट्रपतिलाई बर्खास्त नगरे डेमोक्र्याटसले राष्ट्रपति ट्रम्पविरुद्ध महाअभियोग ल्याउने चेतावानी दिएकी छन् ।

डेमोक्र्याट्सका एक वरिष्ठ नेताले अमेरिकी प्रतिनिधि सभामा महाअभियोग दर्ता हुनसक्ने र महाअभियोगमाथि मंगलवार नै मतदान समेत हुनसक्ने बताएका अन्तर्राष्ट्रिय सञ्चारमाध्यमले जनाएका छन् ।

ट्रम्पको उक्साहटमा संसदमा आक्रमण भएको जनाउँदै डेमोक्र्याट्स पार्टीले राष्ट्रपति ट्रम्पविरुद्ध महाभियोग लगाउने तयारी गरेको हो । 

यसैबीच, अमेरिकी उपराष्ट्रपति माइक पेन्स आउँदो जनवरी २० मा हुने जो बाइडेनको शपथ ग्रहण समारोहमा उपस्थित हुने भएका छन् । राष्ट्रपति डोनाल्ड ट्रम्पले बाइडेनको शपथ ग्रहण कार्यक्रम बहिष्कार गर्ने बताइसकेका बेला राष्ट्रपति ट्रम्पका अतिनिकट सहयोगीका रूपमा रहेका उपराष्ट्रपति पेन्सले पछिल्ला दिनमा परिवर्तित राजनीतिक परिदृश्यलाई स्वीकार गरेका छन् ।

उनले नै नोभेम्बरमा भएको राष्ट्रपतिको निर्वाचन परिणामलाई प्रमाणीकरण गरी बाइडेन अमेरिकाको राष्ट्रपति निर्वाचित भएको घोषणा गरेका छन् । तर यस महाअभियोगबारे भने उपराष्ट्रपतिले केही प्रतिक्रिया दिएका छैनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अमेरिकी राष्ट्रपति ट्रम्पलाई कोरोना संक्रमण पुष्टी

कोरोनालाई चिनियाँ भाइरस भनेको ट्रम्पको स्वास्थ्य जटिल बन्दै

पराजित हुने निश्चित भएसँगै ट्रम्पले लेख्न छाडे ट्विट

जनताले त पत्याएनन्, अदालतबाट पनि ट्रम्पलाई धक्का

डोनाल्ड ट्रम्पका जेठा छोरालाई कोरोना संक्रमण

अमेरिकामा ‘सैन्य कू’ गर्ने ट्रम्पको योजनामा लाग्यो ठूलो धक्का