काठमाडौं – अमेरिकी राष्ट्रपति डोनाल्ड ट्रम्पलाई पक्राउ गर्न बग्दाद अदालतले आदेश दिएको छ ।

अदालतले राष्ट्रपति डोनाल्ड ट्रम्पका नाममा पक्राउ पूर्जी जारी गरेको छ ।

ईराकी अर्धसैनिक कमाण्डर अबुु महदी अल मुहान्दिसको हत्याबारे छानबिन गरिरहेको अदालतले ट्रम्पलाई पक्राउ गर्ने निर्णय लिएको हो । 

३ जनवरी २०२० मा अमेरिकी ड्रोन हमलामा बग्दाद विमानस्थलबाहिर ईरानी रिभोलुसनरी गार्ड कर्पस् अन्तर्गतको क्वाद सेनाका जर्नेल कासिम सुलेमानी र मुहान्दिसको मृत्यु भएको थियो ।

मुहान्दिसबारे छानबिन गरिरहेको बग्दाद अदालतका न्यायाधीशले अमेरिकी सेनाका कमाण्डर ईन चिफ समेत रहेका ट्रम्पविरुद्ध पक्राउ पूर्जी जारी गर्न आदेश दिएका छन् । अल मुहान्दिस राज्यले प्रतिबन्धित गरेको पपुलर मोबिलाइजेसन फोर्सका सहायक नेता थिए, ईरान समर्थित समूह तथा ईराकका सैन्यधारीहरू सम्मिलित छाता संगठन आईएसविरुद्ध लड्नका लागि गठन भएको थियो । 

ट्रम्पमाथि नियोजित हत्याको अभियोगमा पक्राउ पुर्जी जारी गरिएको हो, किनकि ट्रम्पले नै हत्याका लागि आदेश दिएका थिए । यस अभियोगअन्तर्गत मृत्युदण्डको सजाय रहेको छ । जो कार्यान्वयन हुने सम्भावना निकै कम रहेको अन्तर्राष्ट्रिय सञ्चारमाध्यमले जनाएका छन् ।

यसअघि ईरानले गत जुनमै ट्रम्पविरुद्ध पक्राउ पूर्जी जारी गरेको थियो । ईरानले इन्टरपोललाई पक्राउ पूर्जीबारे जानकारी गराउँदै विश्वका अन्य प्रहरीलाई पनि पक्राउ नोटिस पठाइदिन आग्रह गरेको थियो । तर यो कार्यान्वयनमा आएन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अमेरिकी राष्ट्रपति ट्रम्पलाई कोरोना संक्रमण पुष्टी

कोरोनालाई चिनियाँ भाइरस भनेको ट्रम्पको स्वास्थ्य जटिल बन्दै

पराजित हुने निश्चित भएसँगै ट्रम्पले लेख्न छाडे ट्विट

जनताले त पत्याएनन्, अदालतबाट पनि ट्रम्पलाई धक्का

डोनाल्ड ट्रम्पका जेठा छोरालाई कोरोना संक्रमण

अमेरिकामा ‘सैन्य कू’ गर्ने ट्रम्पको योजनामा लाग्यो ठूलो धक्का