काठमाडौं – कोरोना भाइरस (कोभिड–१९) संक्रमणको महामारी थप फैलिँदै गएपछि जापान सरकारले राजधानी टोकियोमा संकटकाल घोषणा गरेको छ । 

जापान सरकारले बिहीवार १ महिना लामो संकटकाल घोषणा गरेको अन्तर्राष्ट्रिय सञ्चारमाध्यमले जनाएका छन् ।

प्रधानमन्त्री योशिहिडा सुगाले कोरोना संकटको उच्चतम अवस्थामा पुग्न लागेकाले उच्च सतर्कता अपनाउनका लागि संकटकाल लगाउनुपरेको बताएका छन् ।

अहिले टोकियो क्षेत्रमा घोषणा गरिएको संकटकाल शुक्रवारदेखि लागू हुने पनि जनाइएको छ । संकटकाल अन्तर्गत रेस्टुरेन्ट र बारहरूमा साँझ ७ बजेपछि मादक पदार्थ बिक्रीवितरणमा रोक लगाइएको छ भने १ घण्टापछि सेवा रातभरका लागि बन्द गर्न भनिएको छ । यो व्यवस्था अर्को सूचना जारी नहुँदासम्म लागू हुने अधिकारीहरूले बताएका छन् । 

प्रधानमन्त्री सुगाले बार तथा रेस्टुरेन्टमा नजान युवाहरूलाई विशेष अनुरोध गरेका छन् । टोकियोमा संक्रमित भएकाहरुको उमेर अवस्था हेर्दा आधाभन्दा बढी ३ दशकभन्दा कम उमेरका भएको पाइएकाले पनि प्रधानमन्त्री सुगाले युवालाई विशेष आग्रह गरेका छन् ।

‘सरकारको आग्रहलाई कृपया पालना गरिदिनुहोला, तपाईंसँगै तपाईंको बुवाआमा, हजुरबुवा हजुरआमा र साथीहरूको जीवन जोगाउनका लागि पनि यो आवश्यक छ,’ उनले आग्रह गर्दै भने । 

सरकारले टोकियोमा सकेसम्म क्रेताले फोनबाट माग गर्ने र बिक्रेताले माग गरेको ठाउँमा पुर्‍याइदिने व्यवस्था हुने गरी मात्रै व्यापार व्यवसाय सञ्चालन गर्न आग्रह गरेको छ ।  

जापानको राजधानी टोकियोमा दैनिक थप संक्रमितको संख्या बढ्दै जाने क्रममा बिहीवार २ हजार ४४८ जना थपिएका छन् । देशभर ७ हजार ४९० जना संक्रमित थपिएका जनाइएको छ ।

जापानमा हालसम्म ३ हजार ७०० भन्दा बढी कोरोना भाइरसबाट संक्रमित व्यक्तिको मृत्यु भइसकेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

जापानका प्रधानमन्त्री आबेले राजीनामा दिँदै

जापानका प्रधानमन्त्री आबेलाई ओलीको कामना

जापानमा समुन्द्र भित्र भयो यस्तो, कार्गो पानीजहाज गायब !

जापानको भावी प्रधानमन्त्री बन्ने उच्च सम्भावनामा सुगा

जापानको नयाँ प्रधानमन्त्रीमा योशिहिदे सुगा निर्वाचित

अब, विवाह गरेका नवदम्पतीलाई सरकारले प्रोत्साहन स्वरुप ६ लाख दिने