काठमाडौं – भरतपुरका डा. सुभाष रेग्मी बेलायतमा १ वर्षे अध्ययन सकेर क्रिसमसकै दिन डिसेम्बर २५ मा नेपाल फर्किने तयारीमा थिए । हवाई टिकट लिइसकेका डा। रेग्मीले सय पाउन्ड तिरेर पीसीआर परीक्षण पनि गराइसकेका थिए । तर बेलायतबाट जानेलाई नेपालमा अचानक प्रतिबन्ध लगाइएपछि उनी बेलायतमै अलपत्र बनेका छन् ।

बेलायतको चेस्टर विश्वविद्यालयबाट मास्टर्स इन अर्थोपेडिक्सको कोर्स पूरा गरेका हाडजोर्नी तथा नसा रोग विशेषज्ञ रेग्मीले भने, ‘नेपाल जान त पाइनँ नै, पीसीआर परीक्षणमा बुझाएको सय पाउन्डसमेत व्यर्थ भयो । टिकट पनि स्थगन भएपछि अहिले ओपनमा राखेको छु ।’

बेलायतमा आफू बस्दै आएको घरको सम्झौता पनि यही डिसेम्बर अन्त्यमा सकिने उनले बताए । त्यसपछि कहाँ बस्ने भन्ने चिन्ताले उनलाई सताएको छ । ‘जनवरी १ पछि के गर्ने रु अझै अन्योलमा छु,’ उनले भने । आफूजस्तै अलपत्र परेका नेपालीका लागि नेपाल सरकारले विशेष व्यवस्था गर्नुपर्ने उनको माग छ ।

‘कोभिड—१९ परीक्षणको नतिजा नेगेटिभ देखाउन सक्ने र नेपाल पुगेर अनिवार्य क्वारेन्टीनमा बस्न तयार हुने नागरिकलाई देश प्रवेश गर्न सक्ने व्यवस्था गरियोस्,’ उनले भने, ‘आवश्यक सतर्कता र सुरक्षासहित प्रतिबन्ध फुकुवा गर्ने विकल्प खोजिनुपर्छ ।’

लामो समयदेखि बेलायत बस्दै आएका पूर्वगोर्खा हीराधन राई पनि यात्रा प्रतिबन्धको चेपुवामा परेका छन् । नेपालमा आइतवार बुवाको निधन भएपछि राई अहिले काजकिरीयाबाट वञ्चित बनेका छन् । ‘त्यसै त पिता गुमाउनुको पीडा छ, त्यसमाथि अन्तिम संस्कार र काजकिरीयामा समेत सहभागी बन्न नपाउँदा मानसिक रूपमा झन् ठूलो आघात पर्दो रहेछ,’ राईले भने । रेग्मी र राईजस्तै हाल जारी यात्रा प्रतिबन्धका कारण जरुरी अवस्थामा पनि नेपाल जान नपाउने थुप्रै नेपाली छन् ।

‘कतिपयले हामीलाई सम्पर्क गर्नुहुन्छ र समस्या पोख्नुहुन्छ । नेपाल जाने व्यवस्थाका लागि पहल गरिदिनुपर्‍यो भन्नुहुन्छ,’ एनआरएनए यूकेकी अध्यक्ष पुनम गुरुङले भनिन्, ‘नेपाल सरकारले सतर्कता र सावधानी अपनाउने कार्यको हामी पनि सम्मान गर्छौं । तर आफ्ना नागरिकले व्यहोरेको कष्ट पनि हेरिदिनुहुन हामी आग्रह गर्दछौं ।’ जरुरी हुनेहरूलाई पीसीआर रिपोर्ट र नेपालमा अनिवार्य क्वारेन्टाइन राखेर भए पनि फर्किन दिनुपर्ने उनको सुझाव छ ।

बेलायतको हडर्सफिल्ड विश्वविद्यालयमा प्राध्यापनरत जनस्वास्थ्य विज्ञ डा। पदम सिम्खडाले बेलायतबाहेक अन्य मुुलुकमा पनि नयाँ भाइरस भेटिँदै गएकाले यात्रा प्रतिबन्ध कायम राखिराख्न सम्भव नहुने बताए । ‘शुरूमा कोभिड देखिने देशहरूबाट अरू देशले पनि यात्रा प्रतिबन्ध लगाएकै हुन् । तर पछि सबैतिर फैलिएपछि ती प्रतिबन्धहरूको औचित्य रहेन,’ डा। सिम्खडाले भने, ‘यो नयाँ भाइरसको हकमा पनि अब त्यस्तै प्रवृत्ति दोहोरिने देखिन्छ ।’

मुलुकभित्र सतर्कता र सावधानीका लागि प्रभावकारी व्यवस्था नभएको खण्डमा भने यात्रा प्रतिबन्धकै सहारामा भए पनि संक्रमण रोक्ने प्रयास गर्नु आवश्यक रहने डा। सिम्खडाको राय छ । अन्नपूर्ण पोस्ट दैनिकमा खबर छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बेलायतमा नेपालीको नामबाट रेल सेवाको नामकरण, के हो कारण?  

मेलेसियामा नेपाली युवकलाई मृत्युदण्डको फैसला, नेपालीकै हत्या गरेका थिए

विदेशबाट ७६ हजार ९६७ नेपाली फर्किए

बन्धक बनाइएका १३ नेपाली स्वदेश फर्किँदै

कप्तान रोहितको कीर्तिमानी अर्धशतकमा नेपालले युएईलाई दियो २४९ रनको लक्ष्य

अमेरिकाबाट निष्कासित १० नेपाली लिएर अमेरिकी चार्टर विमान काठमाण्डौ आउँदै