काठमाडौं - प्रमुख प्रतिपक्षी दल नेपाली कांग्रेसको विवाद समाधान तर्फ मोडिएको छ। पटक पटकको छलफल पछि सभापति शेरबहादुर देउवा र वरिष्ठ नेता रामचन्द्र पौडेल समूहको विवाद समाधान उन्मुख गएको हो। आइतबार सभापति देउवाको निवास बूढानिलकण्ठमा बसेको पदाधिकारी बैठकमा पार्टीमा देखिएका सबै प्रकारका विवादहरु समाधान गरेर अघि बढ्ने सहमति भएको हो।

वर्तमान पदाधिकारी, पूर्वपदाधिकारी र केही केन्द्रीय सदस्यहरुसहितको बैठकले पार्टीको विवाद समाधान गर्ने सहमति जुटाएको हो। ‘पार्टीको विवाद अब समाधान हुने तर्फ मोडिएको छ,’ कांग्रेस सहमहामन्त्री डाक्टर प्रकाशशरण महतले मिडिया डबलीसँग भने, ‘असन्तुष्ट भएका कुराहरु खुलस्त भनेपछि विवाद मिल्न लागेको हो।’ विवाद मिल्ने भएपछि अब अनौपचारिक बैठक नबस्ने महतको भनाई छ।

उनले अब २७ गते बस्ने केन्द्रीय समितिको बैठकले अरु निर्णयहरु गर्ने कांग्रेसले जनाएको छ। वरिष्ठ नेता रामचन्द्र पौडेल पक्षले सभापति देउवाले पार्टीमा एकलौटी गरेको, विधान विपरित विभाग गठन गरेकोले विभाग खारेज हुनुपर्ने, अन्यपार्टीबाट प्रवेश गरेकालाई मनोमानी ढंगबाट क्रियाशिल सदस्यता वितरणको जिम्मा दिएको आरोप लगाउँदै आएको छ। देउवाले विभाग गठनको विषयमा भने आफू छलफल गर्न तयार नरहेको प्रष्ट पारिसकेका छन्।

यता नेपाली कांग्रेस विवाद मिलाउन सक्रिय भएको बेला उता सत्तारुढ दल नेकपा भने महामारीमा जनताको अवस्थाप्रति ध्यान नदिई पार्टी कसरी फुटाउने भन्ने ध्याउन्नमा छ।

प्रधानमन्त्रीसमेत रहेका केपी ओली र अर्का अध्यक्ष पुष्पकमल दाहाल प्रचण्डबीचको विवाद पार्टी फुट उन्मुख भएको हो। विभाग गठन र मनोनयन, क्रियाशील सदस्यता वितरण, संगठन समायोजन, जनसम्पर्क समिति, भ्रातृ संस्थाको पदावधि, भ्रातृ संस्थाको पदाधिकारीको दोहोरो जिम्मेवारीलगायतका विषयमा कांग्रेसमा विवाद थियो । तीमध्ये अधिकांश विवादहरु पार्टीको विधानमा गरिएको व्यवस्थालाई आधार मानेर समाधान गर्न कांग्रेस नेताहरु सहमत भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा