काठमाडौं- सरकारले निषेधाज्ञाको जिम्मा स्थानीय तहलाई दिएसँगै देशभर निषेधाज्ञा केही खुकुलो हुँदै गएको छ । काठमाडौं उपत्यकामा समेत सरकारले १६ सिटभन्दा माथि सवारी साधनहरु सञ्चालनको अनुमति दिएको छ ।

नेपालका ठूला चाँडपर्वहरु नजिकिदै गरेको अवस्थामा असोज १ गते लामो दुरीका सवारी साधनहरु सञ्चालनमा आउँलान कि भन्ने सर्वसाधरणको अपेक्षा रहेको छ । तर, कोरोना भाइरसको संक्रमण भने देशभर बढ्दै गएको अवस्था छ ।

भारत लगायत विभिन्न देशमा लकडाउन खुकुलो भएर संयमितरुपमा विभिन्न सेवाहरु सञ्चालन भइसकेका छन् । केही दिनअघि पर्यटन मन्त्रालयले समेत असोज १५ देखि आन्तरिक उडान सुरु गर्ने प्रस्ताव अघि सारेको छ ।

यसबीच असोज १ गतेबाट लामो दुरी सवारी साधन सञ्चालनमा आउँलानकी भन्ने कुरामा भने सरकारी स्तरमा कुनै तयारी भने भइसकेको छैन् । यद्यपी यातायत व्यवसायी संगठनहरुले भने सञ्चालनको अनुमति दिन दाबब दिँदै आएको छ ।

यातायात व्यवसायी र मजदुरहरु आउँदो गत चैत ११ गतेदेखि बन्द लामो, मझौला, छोटो र स्थानीय रुटका सवारीसाधन असोज १ गतेदेखि चलाउने तयारीमा छन् । यसबारे उनीहरुले सरकारको ध्यानाकर्षण गराउँदै ज्ञापनपत्र पनि बुझाइसकेका छन् । 

गत शुक्रबार भौतिक पूर्वाधार तथा यातायातमन्त्री वसन्तकुमार नेम्वाङलाई भेटेर व्यवसायी र मजदुर संगठनका अगुवाहरूले लामो, मध्यम, छोटो दूरी र स्थानीय रुटमा सबै सिट क्षमताका सम्पूर्ण सार्वजनिक यातायात साधन सञ्चालनको निर्णय गर्न माग गर्दै ज्ञापनपत्र बुझाएका थिए ।

यसबारे कोभिड १९ क्राइसिस म्यानेजमेन्ट सेन्टर (सीसीएमसी) र मन्त्रिपरिषदले निर्णय गर्न सक्ने भन्दै मन्त्री नेम्वाङले सार्वजनिक यातायातका साधन सुचारु गर्ने विषयमा दुवै स्थानमा प्रस्ताव लैजाने प्रतिबद्धता जनाएका छन् । 

तर, सरकारले निर्णय नगरे पनि १ असोजबाट सबै प्रकार र दरीका सवारी साधन चलाउने तयारीमा यातायात व्यवसायी र मजदुर संगठन जुटेका छन् । उनीहरुले सरकारलाई बुझाएको ज्ञापन पत्रमा पनि यसबारे उल्लेख गरेका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बिहीबारदेखि देशभरका सार्वजनिक यातायात चल्ने 

भदौ १ देखि लामो दूरीका सार्वजनिक यातायात पनि सञ्चालनमा आउने

लामो दुरीका यातायात चढ्नुअघि थाहा पाउनु पर्ने सरकारी मापदण्ड (सुचीसहित)

सार्वजनिक यातायातकाे सिटमा कति जना बस्ने विषयमा यस्तो निर्देशन 

लामो दुरीका साझाबसको टिकट अब घरबाटै यसरी काट्न सकिने

यातायात व्यवस्था विभागले यात्राका विषयमा दियाे यस्ताे जानकारी