काठमाडाैं- त्रिभुवन विश्वविद्यालय मानविकी तथा सामाजिक शास्त्र स‌ंकायअन्तर्गत अर्थशास्त्र विभागका एक प्राध्यापकको व्यक्तिगत प्रयासमा कोरोना महामारीपछि अर्थतन्त्रमा पारेको प्रभावबारे बाह्य स्रोत व्यक्तिसहित नियमित कक्षा सञ्चालन भइरहेको छ।

विभागका प्रा डा दिलनाथ द‌ंगालले कोरोना महामारी र बन्दाबन्दीयता हालसम्म जुम प्रविधिबाट नियमित विद्यार्थी र अन्य व्यक्तिलाई पनि लाभ पुग्ने गरी सामाजिक सञ्जालमा समेत शेयर गरेर हालसम्म ८१ वटा यस्ता कक्षा सञ्चालन गरिसकेका छन्।

नेपालमा कर र यससँग सम्बन्धित विषय, बैंकिङ प्रणाली, कोरानाले अर्थतन्त्रमा प्रभावबारे हालसम्म पूर्वगभर्नर दीपेन्द्रबहादुर क्षेत्री, राष्ट्रिय योजना आयोगका पूर्वउपाध्यक्ष डा दिनेशचन्द्र देवकोटा, औद्योगिक क्षेत्रमा पारेको प्रभावबारे हेटौँडा औद्योगिक क्षेत्रका प्रमुख, कृषि क्षेत्रमा पारेको प्रभावबारे पूर्वमन्त्री एवं ड्रागन फ्रुटका उत्पादक लोकेन्द्र विष्ट, ऊर्जा क्षेत्रको प्रभावबारेमा पूर्वऊर्जामन्त्री जनार्दन शर्मा, राजश्वबारेमा अर्थविद् डा डिल्लीराज खनाल र डा चन्द्रमणि अधिकारीले बहसमा भाग लिएका थिए।

यस्तै अर्थशास्त्री, स्थानीय सरकारका प्रतिनिधि, नेपाल सरकारका राजश्व सचिव रामशरण पुडासैनी, पूर्वअर्थसचिव रामेश्वर खनाल, कृष्णहरि बाँस्कोटा र डा. शान्तराज सुवेदी, पूर्वमन्त्री डा प्रकाशचन्द्र लोहनी, सुरेन्द्र पाण्डे र गोकर्ण विष्ट सहभागी थिए।

नेपाल प्रगतिशील प्राध्यापक संगठनका केन्द्रीय सचिव प्रा डा दंगालका अनुसार त्रिविका शिक्षाध्यक्ष डा शिवलाल भुसाल, शिक्षा, विज्ञान तथा प्रविधि मन्त्रालयका सहसचिव रामशरण सापकोटा, त्रिभुवन विश्विद्यालय शिक्षा संकायका डीन र क्याम्पस प्रमुख, प्राध्यापक संघका सभापतिले बहसमा भाग लिइसकेका छन्।

अहिले शोध अनुसन्धान विधाअन्तर्गत नेपालका मूर्धन्य विज्ञबाट सम्पन्न गर्ने गरी एकहप्ते रिसर्च प्याकेज कार्यक्रम सञ्चालन भइरहेको छ।

कार्यक्रममा विश्वविद्यालय अनुदान आयोगका अध्यक्ष प्रा डा भीमप्रसाद सुवेदीले प्राज्ञिक मन्तव्य दिएका थिए। यसमा स्रोत व्यक्तिका रुपमा प्राडा चैतन्य मिश्र, प्राडा मनप्रसाद वाग्ले, प्राडा वासुदेव काफ्ले, प्राडा महानन्द चालिसे, प्राडा शिवराज अधिकारी र प्राडा ध्रुवकुमार गौतम रहेका छन्। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

यसै वर्ष कक्षा ११ मा नयाँ पाठ्यक्रम, एसईई रिजल्ट ७ दिनमा

अन्तत: स्कुल सञ्चालन र परीक्षाबारे यस्ताे भयो निर्णय

स्कुललाई क्वारेन्टिन नबनाउँन सरकारले दियाे निर्देशन, भदाै १ बाट खुल्छन् त ?

यो वर्ष 'काेर्ष चट', शिक्षामन्त्रीले दिए यस्ताे जानकारी

असाेज १ गतेदेखि भर्ना, यसरी सुरु हुने भए स्कुल (शिक्षामन्त्रालयको निर्देशिकासहित)

प्रस्तावित उच्च शिक्षा ऐनप्रति प्राध्यापकहरुको आपत्ति, यत्तिकै पारित हुन नदिने गगन थापाको अठोट