काठमाडौँ - नेपाली कांग्रेसका पूर्वसभापति शेरबहादुर देउवा आज स्वदेश फर्किदै छन् । उनी दिउँसो साढे १२ बजे त्रिभुवन अन्तर्राष्ट्रिय विमानस्थलमा उत्रने उनका स्वकीय भानु देउवाले जानकारी दिए ।

पूर्वप्रधानमन्त्री देउवा गत फागुन दोस्रो साता थप उपचारका लागि भन्दै सिंगापुर गएका थिए । उनी प्रतिनिधि सभाको निर्वाचन अगाडि विदेश जाँदा आलोचना भएको थियो । जेन-जी आन्दोलनका क्रममा गत वर्षको भदौ २४ गते सांघातिक आक्रमणमा परी घाइते भएका थिए ।

उनी कार्तिकमा सिंगापुर गएका थिए भने एक महिना भन्दा लामो बसाइपछि फर्केका थिए । यसपालि भने प्रधानमन्त्री वालेन्द्र साह बालेन र राष्ट्रिय स्वतन्त्र पार्टी रास्वपाका सभापति रवि लामिछानेलाई जानकारी गराएरै स्वदेश फर्कन लागेकाले कुनै अवरोध बिना नै आउन सहमति गरेको बुझिएको छ । देउवाका स्वकीय सचिव देउवाले उनी विमानस्थलमा ओर्लेपछि सिधै महाराजगञ्जस्थित उनी बस्ने स्थलमा पुग्नेछन् ।

आज कुनै पनि अन्य कार्यक्रम नरहेको उनले जानकारी दिए । उनलाई सुरक्षाकर्मीले विशेष सुरक्षा दिएर निजी निवासमा पुर्‍याउने तयारी रहेको छ । यसअघि देउवा दम्पती सिंगापुरमा रहेका बेला उनीहरू विरुद्ध सम्पत्ति शुद्धीकरण अनुसन्धान विभाग र नेपाल प्रहरीको केन्द्रीय अनुसन्धान ब्युरो (सीआईबी)ले पक्राउ पुर्जी जारी गरेका थिए ।

उक्त पक्राउ पुर्जी रोक्न माग राखेर वारेशमार्फत दिएको रिटमा सर्वोच्च अदालतले तत्काल पक्राउ नगर्न अन्तरिम आदेश जारी गरेको थियो । कांग्रेसको संस्थापन इतर पक्षले शुक्रबारदेखि गर्न लागेको भेलामा देउवालाई सहभागी गराएर कार्यक्रम अगाडि बढाउने योजनामा इतर पक्ष छ । इतर पक्षको शुक्रबारे कार्यक्रमका लागि बीपी कोइराला पुत्र डा शशांक कोइरालालाई संयोजक तोकिएको छ ।

पार्टी सभापति गगनकुमार थापाको टिम पार्टीको १५ औँ महाधिवेशनको तयारी गरिरहँदा त्यसमा सहभागी हुनुको सट्टा समानान्तर तरिकाले अगाडि बढ्ने योजनामा इतर पक्ष छ । निर्वाचन आयोगले विशेष महाधिवेशन गरेर आएको गगन थापा नेतृत्वलाई आधिकारिकता प्रदान गरेसँगै कांग्रेसले थापाकै नेतृत्वमा प्रतिनिधि सभा निर्वाचनमा भाग लिएको थियो । थापाले नै टिकट दिएर संस्थापन इतरका कतिपय नेताले चुनाव लडेका थिए ।

अहिले भने फेरि आधिकारिक सभापति देउवा नै रहेको रटान रटेर शुक्रबारदेखि कार्यक्रम थालिँदैछ । उता सर्वोच्च अदालतले पनि गत बैशाख ४ गते गगन थापा नेतृत्वको कांग्रेसलाई नै औपचारिकता प्रदान गरेको थियो । तर अहिले आएर फेरि मुद्धा पुनरावलोकन गर्ने भएसँगै देउवा पक्ष एक्कासी जुर्मुराएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

देउवा सरकारले लियो यति ठूलो एक्सन, देशैभर उथलपुथल  !

राष्ट्रियसभामा पनि देखायो देउवा सरकारले पावर, एमाले हेरेको हेर्यै 

देउवा सरकारको लोकप्रिय निर्णय, सारा नेपालीको हितमा काम गरेपछि चौतर्फी प्रसंशा 

देउवा सरकारले विकास निर्माणमा देखायो यस्तो तदारुकता, निजगढमा खुसियाली 

दशैंमा देउवा सरकारले गर्ने भयो यस्तो काम, उपभोक्तालाई फाइदा पुग्ने

देउवा चार दिन गृह जिल्लाका आसभामा व्यस्त हुने, यस्तो छ तालिका