प्रधानमन्त्री ओलीले बजेटबारे सबै मन्त्री र सचिवहरूसँग परामर्श गर्ने
प्रधानमन्त्री ओलीले बजेटबारे सबै मन्त्री र सचिवहरूसँग परामर्श गर्ने
काठमाडौं । सरकार यतिबेला आगामी आर्थिक वर्ष २०८२/०८३ को बजेट बनाउने तयारीमा जुटेको छ।
अर्थ मन्त्रालयले बजेट लेखनको काम सुरु गरिसकेको छ। वर्षेनी ठूलो आकारको बजेट ल्याउने र कार्यान्वयन हुन नसक्दा बीचमा संशोधन मार्फत घटाउने गरिएको छ। जसले गर्दा शिथिल अर्थतन्त्रलाई गति दिन सकेको देखिँदैन।
यही बीचमा प्रधानमन्त्री केपी शर्मा ओलीले बजेटबारे सबै मन्त्री र सचिवहरूसँग परामर्श गर्ने भएका छन्।
उनले दिउँसो साढे ३ बजे सबै मन्त्री र सचिवसँग सिंहदरबारमा छलफल गर्न लागेको प्रधानमन्त्रीको सचिवालयले जनाएको छ।
पुष्पकमल दाहाल प्रचण्ड नेतृत्वको सरकारले यस वर्षदेखि फागुन महिनाबाटै प्रिबजेट छलफल चलाउने र पर्याप्त छलफल गर्नेगरी कार्यतालिका बनाएको थियो । तर, वर्तमान सरकारले त्यसलाई पछ्याउन सकेन ।
अहिले मन्त्रालयहरू बजेट सिलिङको तयारीमा छन् । प्रधानमन्त्री ओलीले त्यसबारे पनि जानकारी लिँदै आगामी नीति तथा कार्यक्रमबारे छलफल गर्न लागेका हुन्।
सरकारले हरेक जेठ १५ मा आगामी आर्थिक वर्षको बजेट संघीय संसदमा पेश गर्नुपर्ने संवैधानिक व्यवस्था छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली डेक्स
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४