काठमाडौँ - फ्रान्सका राष्ट्रपति इमानुएल म्याक्रोन दुई दिने राजकीय भ्रमणको क्रममा भारतसँग स्वास्थ्य, अन्तरिक्ष र रक्षा लगायतका क्षेत्रमा सहयोग गर्न सहमत भएका छन् । दुई पक्षहरू प्रमुख सैन्य हार्डवेयर र प्लेटफर्महरूको सह-विकास र सह-उत्पादनमा सहमत भएको बताइएको छ ।

अन्तरिक्ष, भूमि युद्ध, साइबर स्पेस र कृत्रिम बुद्धिमत्ता लगायतका क्षेत्रहरूमा टेक्नोलोजी सहयोगलाई सहज बनाउने दुई देशबिचमा सहमति भएको हो । दुवै पक्षले रक्षा-अन्तरिक्ष साझेदारीमा एक सम्झौतामा पनि सहमति जनाएका छन् ।

साथै स्याटलाइट प्रक्षेपणमा न्यू स्पेस इन्डिया लिमिटेड र फ्रान्सेली कम्पनी एरियनस्पेसबीच समझदारी पत्रमा हस्ताक्षर गरेका छन् ।

भारतीय विदेशसचिव विनयमोहन क्वात्राका अनुसार टाटा र एयरबस हेलिकप्टरबीच स्थानीय कम्पोनेन्टसहितको एच १२५ हेलिकप्टर उत्पादनका लागि साझेदारी गर्न दुवै पक्ष सहमत भएका छन् । दुवै पक्षले स्वास्थ्य सेवा, शिक्षा, तालिम र अनुसन्धान जस्ता क्षेत्रमा आ-आफ्ना स्वास्थ्य मन्त्रालयबीच समझदारी पत्रमा हस्ताक्षर गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

राजदूत क्वात्राले दिए माउन्ट केटु आरोही नेपालीलाई बधाई

भारतीय विदेश सचिव क्वात्रा दुई दिने नेपाल भ्रमणमा आउने

भारतीय विदेश सचिव नेताल आउँदै, कस्तो छ भेटघाटको कार्यक्रम?