काठमाडौं - आगामी माघ ११ गते हुने राष्ट्रिय सभा निर्वाचनका लागि सोमबार उम्मेदवार मनोनयन दर्ता हुँदैछ । सातवटै प्रदेशका राजधानीमा स्थापना गरिएको मुख्य निर्वाचन अधिकृतको कार्यालयमा मनोनयन दर्ता हुनेछ ।

राष्ट्रिय सभाको १९ सिटका लागि हुने निर्वाचनमा सबै दलले आ–आफ्नो पार्टीका उम्मेदवार टुंगो लगाइसकेका छन् । प्रमुख प्रतिपक्ष एमालेले ्१९ वटै सिटमा उम्मेदवारी दिने भएको छ ।

चार पाँच दिनअघिसम्म एमाले पनि सत्ता गठबन्धनसँग मिलेर चुनावमा जाने तयारीमा थियो । एमाले अध्यक्ष केपी ओलीले राष्ट्रिय सभामा एमालेलाई शून्य नबनाउन प्रधानमन्त्री पुष्पकमल दाहाल प्रचण्डलाई प्रस्ताव गरेका थिए ।

त्यसपछि प्रचण्ड पनि निकै भावुक बनेर तीन सिटसम्म दिनसकिने गरी सहमत भएका थिए । उनले सत्ता गठबन्धनमा औपचारिक प्रस्ताव पनि राखेका थिए । तर माधवकुमार नेपालले ओली र प्रचण्डको खेल सबै बिगारिदिए ।

कांग्रेस र एकीकृत समाजवादीको साइज घटाउने गरी प्रचण्ड र ओलीबीच गोप्य सहमति भएको थियो । अहिले राष्ट्रिय सभाको निर्वाचनमा मिलेर जान पाए चाँडै सरकारमा पनि सहभागी हुन सकिने भन्दै ओलीले ढोक्सा थापेका थिए ।

तर सत्ता गठबन्धनले १९ वटै सिटमा कसिलो गरी भागबन्डा गरेपछि एमाले चुनावमा रित्तै हुने भएको हो । गठबन्धनमा विभाजन ल्याउने प्रचण्डको चाहनाल पनि मूर्त रूप पाएन ।

शुक्रवार बसेको एमालेको सचिवालय बैठकले १९ वटै सिटमा उम्मेदवारी दिने निर्णय गरेको थियो । त्यसैअनुरूप एमालेले रिक्त रहेका सबै सिटमा उम्मेदवारी दिँदै छ । गठबन्धनमा प्रमुख प्रतिपक्ष दलसँग एमालेले भाग खोज्नु आफैमा उचित थिएन ।

कतिपयले एमालेको यो मागलाई टिआरसी विधेयक, संसद सञ्चालनसँग सम्झौता गर्न खोजेको आरोप पनि लगाएका थिए । प्रचण्ड पनि सहज संसद् सञ्चालन, सङ्क्रमणकालीन न्याय टुङ्ग्याउन र लोकतन्त्रको रक्षा गर्न पनि एमालेसँग मिल्न सकारात्मक थिए ।

तर गठबन्धनका अन्य दलकै अडानका कारण उनी सफल भएनन् । अन्ततः ओलीले थापेको ढोक्सा र प्रचण्डले बनाएको रणनीति एकैपटक तुहिएको छ । लामो समयदेखि भागबण्डामा अल्झिएको सत्ता गठबन्धनको रडाको पनि शान्त भएको छ ।

राष्ट्रिय सभाको १९ सिटमध्ये नेपाली कांग्रेसले १०, माओवादीले ६ एकीकृत समाजवादीले दुई र जनता समाजवादी पार्टीले एक सिट पाएका छन् ।

राष्ट्रिय जनमोर्चाले राष्ट्रपतिबाट मनोनीत हुनेमा एक सांसद पाउने भएको छ । यो चुनावले गठबन्धन अझ कसिलो बन्ने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध