एमालेले भन्ने पदयात्रा, चढ्ने हेलिकोप्टर
एमालेले भन्ने पदयात्रा, चढ्ने हेलिकोप्टर
काठमाडौं - एमालेको संकल्प यात्रा पाँचथरको चिवा भञ्ज्याङमा पुगेर सम्पन्न भएको छ ।
आइतबार फिदिमबाट हेलिकोप्टरमा चिवा भञ्ज्याङ पुगेका पार्टी अध्यक्ष केपी ओलीले भारतसँग सीमा जोडिएको चिवामा नेपालको राष्ट्रिय झण्डा फहराएसँगै यात्रा टुंगिएको हो ।
एमालेले ‘सम्बन्ध स्थानीय, सन्देश राष्ट्रिय’ नारा दिएर मंसिर १४ गतेदेखि बैतडीको झुलाघाटबाट मध्यपहाडी लोकमार्गको यात्रा थालेको थियो ।
मध्यपहाडी क्षेत्रको आर्थिक, सामाजिक, सांस्कृतिक, धार्मिक अवस्था तथा उद्योग, पर्यटनलगायत सम्भावना बुझ्न थालिएको संकल्प यात्रामा ओलीसहित पार्टीका शीर्ष नेताहरु सहभागी भएका छन् ।
यात्राका क्रममा एमाले नेताहरुले धेरै समय गाडीको प्रयोग गरेका थिए । पदयात्राको अन्तिम दिन फिदिमबाट चिवा भञ्ज्याङ जान एमाले टोलीले काठमाडौँबाट सैनिक हेलिकोप्टर मगाएको थियो ।
एमालेका अध्यक्ष ओली पत्नी राधिका शाक्यसहित काठमाडौँ फर्केका छन् ।
नेपाली सेनाको एनए ०५४ एएलएच हेलिकप्टरमा ओली पत्नी शाक्यसहित आइतबार दिउँसो पौने ३ बजे त्रिभुवन अन्तराष्ट्रिय विमानस्थलमा अवतरण गरेका थिए ।
ओलीसहित एमाले नेताहरुको टोलीलाई फिदिमबाट चिवा पुर्याउन सैनिक हेलिकोप्टर त्यता गएको थियो ।
एमाले टोलीलाई चिवा पुर्याएर पुनः फिदिम हुँदै विराटनगरमा इन्धन भरेर हेलिकोप्टर काठमाडौँ फर्किएको हो ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४