काठमाडौं - नेपाली कांग्रेस बागमती प्रदेश संसदीय दलको प्रमुख सचेतक कुन्दनराज काफ्लेले पदबाट राजीनामा दिएका छन् ।

उनले संसदीय दलका नेता बहादुरसिंह लामालाई मंगलबार राजीनामा पत्र बुझाएका हुन्। कांग्रेस केन्द्रीय सदस्यसमेत रहेका काफ्लेले प्रमुख सचेतकको भूमिकामा रहँदा पार्टी संगठन र आफ्नो निर्वाचन क्षेत्रमा दिने समय कम भएको कारणले राजीनामा दिएको उल्लेख गरेका छन् ।

उनी दोलखाबाट निर्वाचित प्रदेशसभा सदस्य हुन्। ‘केन्द्रीय सदस्यको रुपमा कांग्रेसमा नवीन ऊर्जा भर्न थप क्रियाशील रहन र दोलखेली जनताको सेवामा थप समर्पित हुन सो पदबाट राजीनामा दिएको छु,’ काफ्लेले सामाजिक सञ्जालमा लेखेका छन् ।

उनले आफू प्रमुख सचेतक हुँदा सहयोग गर्ने सबैलाई धन्यवाद पनि दिएका छन्। संसदीय दलको निर्वाचनका बेला काफ्ले एकाएक बहादुरसिंह लामा पक्षमा उभिएका थिए ।

तर यो आठ महिनामा लामाले दलको नेताको भूमिका राम्रोसँग निभाउन नसकेको भन्दै पार्टीभित्रै असन्तुष्टि बढेको छ ।

कांग्रेसका सांसदहरू लामाको कार्यशैलीप्रति सन्तुष्ट नरहेकै बेला काफ्लेले प्रमुख सचेतक पदबाट राजीनामा दिनुलाई अर्थपूर्ण रूपमा हेरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

हेटौंडामा कुन्दनराज काफ्लेको हर्कतले कांग्रेस नेताहरू नै लजाए