काठमाडौं– यति एयरलाइन्सको विमान दुर्घटनामा ज्यान गुमाएका यात्रुको शव आफन्तले बुझ्न थालेका छन्। पोखरा महानगरपालिका १३ का सदाकत अलिमियाँको शव परिवारले बुझेको छ।

चालक दलका सदस्यसहित ४९ जनाको शव मंगलबार काठमाडौं ल्याइने भएको छ। २१ जनाको शव आफन्तले पहिचान गरी पोखरमामै पोस्टमार्टम गर्न लागिएको छ।

कास्कीका प्रमुख जिल्ला अधिकारी टेकबहादुर केसीका अनुसार शव काठमाडौं ल्याउन नेपाली सेनाको हेलिकोप्टर पोखरा पुगिसकेको छ। दुर्घटनामा ज्यान गुमाएका पोखरातर्फका यात्रुको शव पोखरामै जिम्मा लगाउने तयारी गरिएको छ। बाँकी शव काठमाडौं ल्याइने बताइएको छ।

कास्की प्रहरी प्रमुख एसपी अजय केसीका अनुसार घटनास्थलबाट अहिलेसम्म ७० वटा शव संकलन गरिएको छ भने दुईजना अझै बेपत्ता छन्। आजका लागि उद्धार कार्य स्थगित गरिएको छ।

यती एयरलाइन्सको विमान आइतबार पोखरा विमानस्थलनजिक सेती खोँचमा दुर्घटना भएको थियो। उक्त विमानमा चालक दलका चार सदस्यसहित ७२ जना सवार थिए। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पोखरामा यति एयरलाइन्सको जहाज दुर्घटना, कस्तो छ अवस्था?

दुर्घटनाग्रस्त जहाजमा ६८ जना यात्रु सवार थिए

कास्कीका सिडियो भन्छन्–कोही बाँच्ने सम्भावना छैन, ३० जनाको शव फेला 

मन्त्रिपरिषदको आकस्मिक बैठक आव्हान, दुर्घटनाबारे बुझ्न प्रधानमन्त्री विमानस्थलमा 

‘बस्ती जोगाउन पाइलटले जहाजलाई खोँचमा लगे’

दुर्घटनामा ज्यान गुमाएका मध्ये ५ जना भारतीय नागरिक