नयाँ दिल्ली - भारतले बिहीबार अफगानिस्तानलाई ३२ टन अत्यावश्यक औषधिहरू सहितको चिकित्सा सहायताको दशौं ब्याच आफ्नो चलिरहेको मानवीय सहायताको भागको रूपमा आपूर्ति गरेको छ।

उक्त खेप काबुलको इन्दिरा गान्धी अस्पताललाई हस्तान्तरण गरिएको थियो। 'अफगानिस्तानका जनतालाई सहयोग गर्न संयुक्त राष्ट्र संघले गरेको अत्यावश्यक अपीललाई ध्यानमा राख्दै, भारतले अहिलेसम्म दश ब्याचमा ३२ टन चिकित्सा सहायता उपलब्ध गराएको छ, जसमा जीवन बचाउने औषधिहरू, क्षयरोग विरोधी औषधिहरू, कोभिडविरुद्धको पाँच लाख डोज खोपहरु लगायतका सामग्री छन्। 

यी मेडिकल सामग्रीहरू विश्व स्वास्थ्य संगठन र इन्दिरा गान्धी बाल अस्पताल, काबुललाई हस्तान्तरण गरिएको भारतको विदेश मन्त्रालयले जनाएको छ। भारत अफगानिस्तानका जनतासँग विशेष सम्बन्ध जारी राख्न र उनीहरूलाई मानवीय सहायता प्रदान गर्न प्रतिबद्ध छ।

चिकित्सा सहायता मात्र होइन, भारतले अफगानिस्तानलाई मानवीय सहायताका रूपमा गहुँ पनि उपलब्ध गराएको छ। भारतबाट मानवीय सहायताको २५ सय टन गहुँको पहिलो खेप फागुन २६ गते पाकिस्तान हुँदै अफगानिस्तानको जलालाबाद पुगेको थियो भने दुई हजार मेट्रिक टन गहुँ बोकेको भारतको मानवीय सहायताको दोस्रो काफिले मार्च ३ गते अटारी, अमृतसरबाट अफगानिस्तानको जलालाबाद प्रस्थान गरेको थियो ।

यसबाहेक, भारतले दुई हजार मेट्रिक टन गहुँको तेस्रो खेप मार्च ८ मा अटारी-वाघा सीमा हुँदै ४० ट्रकमा अफगानिस्तान पठाएको थियो। यसैबीच, भारतीय टोलीले अफगानिस्तानमा मानवीय सहायता पुर्‍याउने कार्यको निरीक्षण गर्न काबुलको भ्रमण गरेको थियो र तालिवानका वरिष्ठ सदस्यहरूसँग भेट गरेको थियो। 

भ्रमणका क्रममा सुरक्षा अवस्थाको समेत मूल्यांकन गरिएको थियो । स्थानीय सञ्चारमाध्यमका अनुसार काबुलमा रहेको भारतीय दूतावास कहिल्यै बन्द भएको थिएन र स्थानीय कर्मचारीहरूले कन्सुलर सेवा प्रदान गर्दै आएका थिए।

तालिबानले गत वर्ष अगस्ट १५ मा काबुलमा प्रवेश गरेको थियो, जसका कारण अमेरिका समर्थित सरकार हट्यो। पछि सेप्टेम्बरमा, संगठनले अफगानिस्तानको नयाँ अन्तरिम सरकारको गठनको घोषणा गर्‍यो।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारतमा कोरोना महामारी बढ्दै, शहरी क्षेत्रमा भयावह, ५२ हजार नाघे संक्रमित

सुतिरहेकी महिलाको मुखभित्र ४ फिट लामो सर्प पसेपछि... (भिडियाे)

भारतका चर्चित गायक बालासुब्रमण्यमको निधन

५ प्रधानमन्त्रीले नसकेको काम मोदीले गरे, भारतमा एक युग फेरियाे

कुशिनगरमा अन्तर्राष्ट्रिय उडान सञ्चालनमा

दुई भारतीयले यसरी बनाए नेपाली नागरिकता