काठमाडौं -  चीनले आफूलाई नेपालको असली मित्र दाबी गर्दै आएको छ । तर त्यही चीनले नेपालका उत्तरी क्षेत्रका दर्जनौ स्थानमा सीमा मिचेको समाचार आउने गरेको छ ।

गत वर्ष नेपाली कांग्रेसका केन्द्रीय सदस्य एवं कर्णाली प्रदेशका मुख्यमन्त्री जीवनबहादुर शाहीले हुम्लामा चीनले भूमि अतिक्रमण गरेको स्थलगत अध्ययन गरेको रिपोर्ट सरकारलाई बुझाएका थिए ।

त्यसपछि गत भदौमा गृह मन्त्रालयका सहसचिव जयनारायण आचार्यको नेतृत्वमा रहेको टोलीले हुम्लामा चीनले अतिक्रमण गरेको भनिएको सीमामा गएर अध्ययन गरेको थियो ।

टोलीमा नापी विभाग, नेपाल प्रहरी, सशस्त्र प्रहरी बल र सीमाविद्हरू रहेका थिए । तर, हालै चीनले नेपाली भूमि अतिक्रमण गरेको सरकारको आधिकारिक प्रतिवेदन ‘लिक’ भएको छ ।

केही महिनाअघि सरकारी टोलीले हुम्लामा चीनले भूमि अतिक्रमण गरेको विषयमा गरेको आधिकारिक अध्ययन प्रतिवेदन आफूसँग भएको अन्तर्राष्ट्रिय समाचार संस्था बीबीसीले जनाएको छ । यो रिपोर्ट नेपाल सरकार आफैंले भने सार्वजनिक गरेको छैन ।

काठमाडौंस्थित चिनियाँ दूतावासले चीनले नेपाली भूमिमा अतिक्रमण गरेको अस्वीकार गर्दै आएको छ । यो रिपोर्टका विषयमा नेपाल सरकारलाई गरेको प्रश्नको अहिलेसम्म कुनै प्रतिक्रिया नआएको बीबीसीले जनाएको छ ।

सन् १९६० को शुरुमा दुई देशबीच भएका सीमा सन्धियता नेपालले पहिलोपटक आधिकारिक रुपमा चीनले भूमिमा अतिक्रमण गरेको सो प्रतिवेदनमार्फत दाबी गरेको हो ।

चीनसँगको धेरै जसो सीमाना निकै दुर्गम पुग्नै कठिन हुने क्षेत्रमा रहेको छ । सीमामा पिल्लरहरु यताउता गरिएका कारणले समेत ठ्याक्कै सीमाना कहाँ अवस्थित छ भनेर थाहा पाउन सकिने अवस्था छैन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?