काठमाडौं – विजयादशमीको आसपास एकपछि अर्काे दुर्घटनामा खबर सार्वजनिक भइरहेका बेला नुवाकोटबाट काठमाडौंतर्फ जाँदै गरेको बस किस्पाङ गाउँपालिका–५ मनकामनामा दुर्घटना भएको छ ।

केही दिनअघि मुगुमा दुर्घटना हुँदा ३२ जनाको मृत्यु भएको थियो । 

सोमबार मनकामनामा भएको दुर्घटनामा १ जनाको मृत्यु भएको प्रहरीले जनाएको छ ।

दुर्घटनामा परी गम्भीर घाइते भएर उपचारका लागि हेलिकप्टरमार्फत् काठमाडौं पठाइएका किस्पाङ–१ का रमेश तामाङको मृत्यु भएको छ । ३८ वर्षीय तामाङको उपचारका क्रममा ग्रान्डी अस्पतालमा मृत्यु भएको जिल्ला प्रहरी कार्यालय नुवाकोटका प्रवक्ता प्रहरी नायब उपरीक्षक (डीएसपी) हरिबहादुर वलीले बताए । वलीले गम्भीर अवस्थाका थप ९ जनाको काठमाडौंका विभिन्न अस्पतालमा उपचार भइरहेको छ ।

दुर्घटनामा घाइते भएकामध्ये बाँकी ८ जनाको त्रिशूली अस्पताल नुवाकोटमा उपचार भइरहेको प्रहरीले जनाएको छ । घाइतेमध्ये अधिकांशको हात र खुट्टा भाँचिएकाले उपचार भइरहेको छ ।

किस्पाङ गाउँपालिका–१ भाल्चेबाट त्रिशुली हुँदै काठमाडौं जान लागेका बेला बा४ख ५७६२ नम्बरको बस सोमबार बिहान ११ बजे मनकामना आइपुग्दा बे्रकले काम नगरेसँगै दुर्घटनामा परेको हो । यात्रुले खचाखच भरिएको केरुङ यातायात प्रालिको बस मनकामनाको धारापाखोमा अनियन्त्रित भएर दुर्घटनामा हुँदा चालकसहित ५३ जना घाइते भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्याङ्जामा एम्बुलेन्स दुर्घटना, दुई जनाको मृत्यु, दुई घाइते 

भयानक जिप दुर्घटना :  वडाध्यक्षसहित पाँचको मृत्यु 

काठमाडौं आउँदै गरेको स्करपियो दुर्घटना, ५ जना घाइते

कन्चनपुरमा दुर्घटना : श्रीमतीको निधन, श्रीमान् र छोरी गम्भीर घाइते छन्

त्रिशूलीमा जीप खस्यो, आमा छोरीसहित तीन जना बेपत्ता

गुल्मीमा जीप दुर्घटना पाँच जनाको निधन