नयाँदिल्ली - अफगानिस्तानबाट अमेरिकी सेनाहरु फिर्ता गर्दा आतंकवादी संकट निम्तिएको भन्दै भारतले बाइडेन प्रशासनको निन्दा गरेको छ । अमेरिकी सेना फिर्ता भएसँगै तालिबानी समूहले आक्रमणलाई तीव्र बनाउँदै लगेको र अन्ततः काबुल कब्जा गरेको बताइएको छ । 

अमेरिकी सेना फिर्ता हुँदा अमरिका आफैं र छिमेकी मुलुकहरुलाई पनि खतराको स्थिति सिर्जना भएको बताइएको छ । अमेरिकी रक्षा मन्त्रालयका प्रवक्ता जोन किरबेले करिब २४ बिलियन डलर बराबरको सैन्य उपकरणहरु छुटेको बताएका छन् । 

उनले उक्त हतियारले अमेरिका र अन्य छिमेकी मुलुकहरुलाई कुनै खतरा नहुने दाबी गरे पनि भारतले भने अमेरिकाले यस क्षेत्रमा आतंकवादी संकट सिर्जना गरेको आरोप लगाएको छ । भारतीय अधिकारीहरुले अफगानिस्तान मिसनका प्रमुखलाई यसबारे स्पष्ट पार्न आग्रह गरेका छन् । 

उक्त हतियारहरुले पाकिस्तानका लागि खतरा पैदा नगर्ने भए पनि अन्य मुलुकलाई भने खतरा पैदा गर्ने अमेरिकी विश्लेषण रहेको छ । तालिबान पाकिस्तानको खुफिया एजेन्सी आईएसआईको नियन्त्रणमा रहेकोले पाकिस्तानका लागि खतरा नहुने भए पनि अन्य मुलुकका लागि भने खतरा हुने भारतको टिप्पणी रहेको छ । 

पाकिस्तानी कूटनीतिज्ञहरुले भने पाकिस्तानले तालिबानलाई प्रोक्सीको रूपमा प्रयोग गर्ने बताएका छन् । यसअघि तालिबानलाई आर्थिक, सैन्य र लडाकू सहयोग गर्ने पाकिस्तान प्रमु मुलुक भएका कारण पनि पाकिस्तानलाई उक्त हतियारहरुले खासै फरक नपर्ने बरु त्यसको लाभ लिनसक्ने जनाइएको छ । 

चीन र पाकिस्तानसँग खासै राम्रो सम्बन्ध नभएको भारत र साना मुलुकहरु बंगलादेश, नेपालर भुटानलगायतको दक्षिण एसियाली क्षेत्रमा यसले आतंक फैलाउनसक्ने प्रति चिन्ता बढेको हो । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

देउवा सरकार उद्धारका लागि सक्रिय, अफगानिस्तानबाट यी नम्बरमा सम्पर्क गर्नू 

अफगानिस्तानमा ठूलो आतंककारी हमला : १३ जनाको मृत्यु, भएन सबै नेपालीको उद्धार

अफगानिस्तानमा छोडिएका हतियारको जिम्मा लिन अमेरिकी सांसद्को माग 

आन्तरिक द्वन्द्वले तालिबान नेतृत्व कमजोर बन्दै, अस्थिर अफगानिस्तानको लागी गम्भीर चिन्ता 

अफगानिस्तानबाट सेना फिर्ता गर्दा आंतकवादी संकट आएको भन्दै भारतद्वारा निन्दा 

अफगानिस्तानमा तालिबान सत्तापछि परिवार पाल्नका लागि इँटा बनाउने मजदुरी गर्दै पूर्वपत्रकार