इस्लामाबाद - पाकिस्तानको सिन्ध प्रान्तीय मन्त्रीले पानीको मुद्दा उठाएका कारण आफुबिरुद्ध झुटो अभियोग लगाईएको टिप्पणी गरे । 

सिन्ध प्रान्तका सिंचाई मन्त्री सोहेल अन्वर सिअलले आफुले पानीको समस्याबारे आवाज उठाएपछि नेसनल अकाउन्टेबिलिटी ब्यूरो (न्याब) ले झुटो अभियोग लगाएको बताए ।

भ्रष्टाचार तथा आर्थिक अनियमितता विरोधी निकाय न्याबले सिंचाई मन्त्री सिअलमाथि अकुत सम्पत्तिको अभियोगमा अनुसन्धान गरिरहेको छ । तर, मन्त्री सिअलले भने आफ्नो प्रान्तमा पानीको अभाव र समस्याबारे आवाज उठाउँदै आएपछि न्याबले विभिन्न आर्थिक अनियमितताको आरोप लगाएको बताउँदै आएका छन् ।

सिन्ध प्रान्तीय पूर्व गृहमन्त्री समेत रहेका सिअलले प्रधानमन्त्री इमरान खानसँग भेटवार्ता गरेपछि प्रेस सम्मेलनमा यस्तो बताएका हुन् । भर्खरै मात्र पनि सिन्ध प्रान्तमा भएको पानी र सिंचाईको समस्याबारे प्रधानमन्त्री खानसँग वार्ता गरेको उनले बताए । साथै न्याबको आरोप झुटो रहेको सिअलले टिप्पणी गरे । इन्दुस रिभर प्रणाली प्राधिकरण (आईआरएसए) ले सिन्धप्रति पक्षपात गर्दै पानी वितरण नगरेको आलोचना गर्दै आएका सिअलले यहि बिषयका कारण आफुमाथि न्याबले बदला लिन खोजेको  टिप्पणी गरे ।

आईआरएसए को सम्झैता र प्रावधान अनुसार सिन्ध प्रान्तमा पानी तथा सिंचाई वितरण नभएको र लामो समययता अन्ययामा परेको सिअलले बताए । आईआरएसए ले पञ्जाब प्रान्तमा मात्र पानी वितरण गर्ने र सिन्ध प्रान्तमा भने प्रावधान अनुसार समेत पानी वितरण नगरेको उनले बताए ।

उनले आईआरएसएले पञ्जाब सरकारसँग मिलेमतो गरी सिन्धलाई अन्यायमा पारेको साथै पीटीआई दल नेतृत्वको सरकारले समेत सिन्धलाई बेवास्ता गरेको टिप्पणी गरे । सिन्धमा पानी अभावका कारण कपास खेतीका लागि किसानहरु चिन्तित रहेको सिअलले बताए । आफुले सिन्ध प्रान्तको अधिकार र हकको माग गरेको उनले बताए ।

साथै सिन्ध संसदले आईआरएसए अध्यक्ष बर्खास्त गर्नेबारे प्रस्ताब पारित गरेको पनि मन्त्री सिअलले बताए । यता, न्याबले भने सिअलमाथि अकुत सम्पत्ति कमाएको अभियोगमा सन् २०१८ यता अनुसन्धान जारी रहेको र यहि जनवरि बाट पुन नयाँ छानबीन सुरु भएको बताएको छ । सिअलले पानीको बिषय जोडेर न्याबमाथि झुटो आरोप लगाईरहेको न्याबले बताएको छ । स्रोत द न्युज

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

हमीद मिरलाई हटाउँदा पाकिस्तानी समाज र सैन्य प्रतिष्ठानले ठूलो क्षति

पाकिस्तानी आतंकवादीले इण्डिया गेट, प्रहरी हेडक्वार्टरलगायत १० स्थानमा रेकी गरेको खुलासा 

पाकिस्तानी प्रधानमन्त्रीका सल्लाहकारले भने - भारतसँगको व्यापार आजको आवश्यकता 

माल्दिभ्सको होटलमा पाकिस्तानी शेफले गरे बंगलादेशी वेटरको छुरा प्रहार गरी हत्या

विदेशी मुद्रा सञ्चिति घट्दै गएपछि पाकिस्तानी रुपैयाँ अहिलेसम्मकै न्यून

विदेशमा रहेका पाकिस्तानीहरुलाई पनि ईश्वर निन्दाको आरोपमा उत्पीडन