बेइजिङ - कोरोना भाइरसविरुद्धको चिनियाँ खोपको आगमनसँगै एसियामा कोरोना भाइरसको संक्रमण नियन्त्रण गर्ने अपेक्षा गरिएको थियो ।

तर, पछिल्लो समय चिनियाँ खोपको प्रभावकारिता नदेखिएपछि खोपका लागि यस क्षेत्रका नागरिकहरु खोप आपूर्तिका लागि पश्चिमा देशतर्फ आफ्नो पहुँच विस्तार गर्नतर्फ लागे ।

कोरोनाविरुद्धको पहिलो डोज चिनियाँ खोप सिनोभ्याक लगाएका थाइल्याण्डका जनतालाई तीन चार हप्तापछि अक्सफोर्ड एस्ट्राजेनेकाले विकास गरेको खोप लगाउन थालेका छन् । इण्डोनेसियामा पनि सुरुमा कोरोनाविरुद्धको चिनियाँ खोप लगाइएको थियो ।

तर, उक्त खोप प्रभावकारी नभएपछि अमेरिकाले विकास गरेको मार्डेना खोेप लगाउन सुरु गरिएको छ । इन्डोनेसियामा कोरोनाविरुद्धको दुई खोप चिनियाँ सिनोभ्याक लगाएकाहरुले अहिले बुस्टर खोपको रुपमा मोर्डेना खोप लगाउन थालिएका हुन् ।

बुस्टर डोज सुरुमा पहिलो लहरमा खटिने स्वास्थ्यकर्मीहरुलाई लगाउन थालिएको बताइएको छ । मलेसियाको स्वास्थ्य मन्त्रालयले कोरोनाविरुद्धको चिनियाँ खोप सिनोभ्याक लगाउन बन्द गरिएको छ ।

चीनको एक बलियो व्यापार साझेदार मुलुक कम्बोडियाले पनि बुस्टर खोपको रुपमा एस्ट्राजेनेका खोप लगाउन थालेका छन् । कम्बोडियाको स्वास्थ्य मन्त्रालयका अनुसार फ्रन्टलाइनमा बसेर काम गर्ने चिनियाँ खोप लगाएका स्वास्थ्यकर्मीलगायतलाई एस्ट्राजेनेका खोप लगाउन थालिएको हो ।

चीनको खोप कूटनीतिबाट केही दक्षिण एसियाका केही मुलुकहरुले मात्रै लाभ लिएका थिए । दक्षिण एसियाका करिब ६५० मिलियन नागरिकहरुका लागि चिनियाँ खोपको प्रभावकारितामाथि प्रश्न उठेपछि पश्चिमा खोप उत्पादकहरुसँग खोप आपूर्तिका लागि पहल गरिरहेका छन् ।

कोरोना भाइरसको दोस्रो लहर सकिन नपाउँदै तेस्रो लहरको संकेत देखिएपछि एसियाली राष्ट्रहरु पश्चिमा मुलुकहरुबाट खोप आपूर्तिको पहल गरिरहेका छन् । उनीहरुले आफ्नो नागरिकलाई सुरक्षित राख्नका लागि पश्चिमा देशहरुबाट खोप आपूर्तिको पहल गरेका हुन् ।

बेइजिङस्थित अनुसन्धान कम्पनी ब्रिज कन्सल्टिङका अनुसार चीनले आफ्नो गुडविल निमार्ण गर्न, खोप आपूर्तिलाई तीव्रता दिनुका साथै २५५ मिलियन डोज खोप उपलब्ध गराउने प्रतिबद्धता व्यक्त गरेको थियो । करिब ६ महिनाको अवधिमा नै उक्त प्रतिबद्धता पूरा गर्न सकेन ।

यससँगै चीनको खोपको प्रभावकारितामाथि पनि शंकाहरु उब्जिएका छन् । पछिल्लो समय देखिएको डेल्टा भेरियन्टविरुद्ध चिनियाँ खोप प्रभावकारी हुन नसकेको समाचारहरु आइरहो छन् । इन्डोनेसियाले चिनियाँ खोपहरु नै पछिल्लो कोरोना भेरियन्टको इपीसेन्टर भएको स्वीकार गरेको छ । अन्य मुलुकहरुले पनि चिनियाँ खोपको प्रभावकारिताका विषयमा प्रश्नहरु उठाउँदै आपूर्ति बन्द गरेका छन् ।

चीनको खोप अभियानलाई लागेको झट्काले संयुक्त राज्य अमेरिकाको लागी एसियामा खोप कूटनीति खुला गरिदिएको छ । चीन र अमेरिकाबीचको आपसी द्वन्द्व बढ्दै जाँदा चिनियाँ खोप प्रभावकारिताको प्रश्नले अमेरिकाले एसियाली बजारमा आफ्नो स्थान पाउने भएको हो ।

सन् २०१९ को डिसेम्बर अन्तिमबाट सुरु भएको कोरोना भाइरसको उत्पत्तिबारे आधिकारिकता पुष्टि नभए पनि चीनको सैन्य प्रयोगशाला फोर्ट डेर्टरिकमा यो महामारीको बिजारोपण गरिएको आरोपहरु लाग्न थालेका छन् । महामारी सुरु भएको करिब दुई वर्ष पुग्न लाग्दा पनि यसको उत्पत्तिका विषयमा विभिन्न प्रश्नहरु उठ्न थालेका छन् ।

महामारीले पनि विभिन्न स्वरुपहरु बदलेर नयाँ नयाँ लहरहरु देखिन थालेका छन् । यस्तो अवस्थामा एसियाका अधिकांश मुलुकहरुले चिनियाँ खोप आपूर्तिमा रोक लगाएसँगै अमेरिकाले खोप अनुदान र बिक्रीको प्रक्रियालाई बढावा दिन थालेका छन् ।

यहीबीच अमेरिकी प्रतिनिधिहरुको एसियाली मुलुकहरुको भ्रमणमा पनि तीव्रता दिइएको छ । बाइडेन प्रशासनकी उपराष्ट्रपति कलम ह्यारिस आइतबार सिंगापुर र भियतनाम भ्रमण गरेकी छन् । यसले पनि अमेरिकाले एसियाली मुलुकहरुलाई प्राथमिकतामा राखेको रुपमा बुझ्न सकिन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कोरोनाबाट मृत्यु हुनेको संख्या नघटेपछि ट्रम्पले हिन्दु पुजारी बोलाएर गराए शान्तिपाठ

प्रदेश २ मा १०० नाघे कोरोनाका संक्रमित, कहाँ कति?

थप ६ जनामा कोरोना संक्रमण, संक्रमितको संख्या २७३ पुग्यो

कपिलवस्तुमा थप तीन जनालाई कोरोना, संक्रमितको संख्या २७६ पुग्यो

कोरोना विरुद्धको खोपको मतलब छैन, लकडाउन खोलिन्छः ट्रम्प

कोरोनाका बेला कम्युनिस्ट नेता भ्रष्टाचारमा मस्त, कांग्रेस नेताले गरे भेन्टिलेटर सहित एक करोड सहयोग