काठमाडौं – राजधानी काठमाडौं उपत्यकामा कोरोना संक्रमणको गति फेरि उकालो लागेको स्वास्थ्य तथा जनसंख्या मन्त्रालयको तथ्यांकले देखाएको छ ।

गत २४ घण्टामा उपत्यकामा ९०४ जना नयाँ संक्रमित थपिएका छन् ।

अघिल्लो दिन ७०० संक्रमित भएका थिए । केही हप्तायता दैनिक संक्रमितको संख्या ७००–८०० हाराहारीमा रहेको थियो ।

उपत्यकामा संक्रमण बढेपछि जिल्ला जनस्वास्थ्य कार्यालय काठमाडौंले कडाइका साथ जनस्वास्थ्य मापदण्ड पालना गर्न सबै नागरिक तथा सेवा प्रदायक निकायलाई अनुरोध गरेको छ । मापदण्ड उल्लंघन गर्नेलाई प्रचलित ऐनबमोजिम कारबाही गरिने कार्यालयले जानकारी दिएको छ ।

खोप अभियान तथा खोप प्रमाणीकरण सेवाका क्रममा हुने गरेको भीड र अन्य क्षेत्रमा मापदण्ड पालना नहुँदा उपत्यकामा संक्रमण बढिरहेको चिकित्सकले औंल्याएका छन् । 

उपत्यकामा दैनिक बढ्दो संक्रमणसँगै उपचारमा आउने बिरामीको संख्या पनि बढेको अस्पतालले जानकारी दिएका छन् ।

तथ्यांकअनुसार हाल उपत्यकामा ७६७ जनाको जनरल तथा एचडीयूमा उपचार भइरहेको छ भने १८२ जनाको आईसीयूमा उपचार भइरहेको छ ।

उपत्यकाबाहेक बागमती प्रदेशका अन्य जिल्ला र १ नम्बर प्रदेशमा पनि संक्रमणदर बढ्दो क्रममा रहेको छ ।

गत २४ घण्टामा नेपालमा ३ हजार ३८३ जना नयाँ संक्रमित थपिएका छन् । यस हिसाबले मंगलवार कोरोना संक्रमणदर २० प्रतिशत रहेको छ । नेपालमा संक्रमितको संख्या ७ लाख ६५ हजार ८१८ पुगेको छ ।

तीमध्ये दोस्रो लहर अवधिमा ४ लाख ६४ हजार २४२ जना संक्रमित भएका छन् । गत २४ घण्टामा थप २४ जनाको कोरोना संक्रमणबाट मृत्यु भएको छ ।

थप मृतकसहित नेपालमा ९ हजार ९२२ जनाको कोरोना संक्रमणबाट मृत्यु भइसकेको छ । तीमध्ये ६ हजार ५८० जनाको दोस्रो लहर अवधिमा मृत्यु भएको छ । आजको नागरिक दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कामठाडौंमा पहिरो : पुरिएर दुईको ज्यान गयो

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन