लन्डन - संयुक्त अधिराज्य बेलायतले जलवायु परिवर्तनको मुद्दामा लड्नका लागि भारतसँग समझदारी भएको बताएको छ । भारत र बेलायले मंगलबार घोषणा गरेको रोडम्याप २०३० मा दुबै मुलुकले जलवायु परिवर्तनको मुद्दामा संयुक्तरुपमा अघि बढ्ने बताइएको छ । 

दुबै मुलुकले वनजंगलको संरक्षण, नवकरणीय उर्जाको प्रयोग, कार्बन उत्सर्जन न्युनीकरणलगायतका विषयमा संयुक्तरुपमा पहल गर्ने सहमति भएको जनाइएको छ । यही वर्ष बेलायतले जलवायु परिवर्तनसम्बन्धी सम्मेलन कोप २६ को संयुक्त राष्ट्र संघीय सम्मेलनको आयोजना गर्नेसमे तयारी गरेको छ । 

भारत र बेलायतबीच भएको जलवायुसम्बन्धी समझदारीपछि कोप२६ का प्रमुख आलोक शर्माले यस निर्णय जलवायु परिवर्तनलाई रोक्ने पहलमा ठूलो योगदान पुग्ने बताएका छन् । उनले दुबै मुलुकबीचको सहमतिलाई स्वागत गर्दै खुसी व्यक्त गरेका हुन् । 

उनले भने, भारत र बेलायतबीचको लामो द्विपक्षीय सम्बन्धले विश्वलाई नै उत्प्रेरित गर्ने गरेको छ । बेलायत र भारतबीच जलवायु परिवर्तनविरुद्ध लड्ने सहमतिले खुसी बनाएको छ । यसले जलवायु परिवर्तनको नियन्त्रणको प्रयासमा थप ठूलो योगदान पुग्ने भएको छ । 

बेलायती अधिकारीहरुले भारतीय प्रहरीसँगको सहकार्यमा मानव तस्करहरुको समूहलाई निस्तेज पार्नका लागि विशेष अप्रेसन सञ्चालन गर्ने भएको छ । 

यससँगै अवैध आप्रवासनको समस्यालाई पनि समाधान गर्न दुबै मुलुक सहमत भएका छन् । भारतीय प्रधानमन्त्री नरेन्द्र मोदी र बेलायती समकक्षी बोरिस जोनसनबीच भएको भर्चुअल संवादका क्रममा मानव तस्करी अहिलेको मुल समस्या भएको र यसको जाललाई तोड्नका लागि पहल गर्ने सहमति भएको हो । 

दुबै मुलुकबीच २०३० रोडम्यापमा सहमति भएपछि अपराध, व्यापार, स्वास्थ्य, जलवायु परिवर्तन, आप्रवासन, शिक्षा, विज्ञान र रक्षा क्षेत्रमा काम गर्ने समझदारी भएको हो । सन् २०३० सम्म दुबै मुलुकले आपसी हित र विश्वव्यापी प्रभावका विषयमा पनि छलफल गरेका छन् । 

युरोपियन युनियनबाट अलग भएको बेलायतले एसिया क्षेत्रमा आफ्नो व्यापारलाई बढाउन चाहिरको छ । यस्तो अवस्थामा बेलायतका लागि भारत नै उपयुक्त मुलुक भएका कारण बेलायतले यस्तो सहमति गरेको हो । यससँगै दुबै मुलुकहरुले विश्वभर बढ्दै गरेको चिनियाँ प्रभावलाई रोक्नका लागि पनि पहल गर्ने सहमति भएको छ । 

बेलायती प्रधानमन्त्रीले जारी गरेको एक विज्ञप्तिमा भनिएको छ, १० वर्षको अवधिमा दुबै मुलुकमा नागरिकबीचको सम्पर्क, आर्थिक, व्यापारिक, रक्षा तथा सुरक्षा, जलवायु परिवर्तन र स्वास्थ्य क्षेत्र थप बलियो हुनेछ र मुलुकहरुको सम्बन्ध गहिरो बन्दै जानेछ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

भारतबाट आउने महिलालाई तत्काल नागरिकता दिनुपर्छ : डा. कोइराला

आज मध्यरातमा भारतले धौलीगंगा बाँध खोल्दै, दार्चुलालगायतका जिल्लामा खतरा

ईलाममा ३ करोडको लागतमा भारतले बनाइदियो संस्कृत विद्यालय 

भारतको झट्कापछि चीन शान्ति कायम गर्ने तयारीमा

सिन्धुपाल्चोक घटनाप्रति भारतद्वारा दु:ख व्यक्त