काठमाडौं – जनस्तरमा कोरोना भाइरस संक्रमणको महामारी व्यापक फैलिएका बेला प्रतिनिधि सभाका २६ सांसदलाई कोरोना संक्रमण पुष्टि भएको छ ।

प्रधानमन्त्री केपी शर्मा ओलीले विश्वासको मत लिने प्रयोजनका लागि वैशाख २७ गते बोलाइएको प्रतिनिधिसभा अधिवेशनअघि गरिएको सांसदको पीसीआर परीक्षणमा २६ जनामा संक्रमण पुष्टि भएको छ ।

संघीय संसद सचिवालयले वैशाख २२, २३ र २४ गते २०५ जना सांसदको पीसीआर संकलन गरेको थियो । जसमध्ये १९ जना सांसदमा कोरोना संक्रमण भएको रिपोर्ट आएको संघीय संसद सचिवालयका प्रवक्ता रोजनाथ पाण्डेले बताएका छन् । १९ जना सांसदमध्ये १ जना राष्ट्रियसभा र बाँकी १८ जना प्रतिनिधि सभाका रहेको जनाइएको छ ।

संघीय संसदसँग सम्बन्धित १ हजार २३५ जनाको पीसीआर परीक्षण गरिएकोमा १६० जनामा कोरोना पुष्टि भएको प्रवक्ता पाण्डेले बताए । जसमा सांसद संघीय संसद सचिवालयका कर्मचारी, मर्यादापालक, सांसदका स्वकीय सचिवहरु, सुरक्षाकर्मी, संसद बिटमा रिपोर्टिङ गर्ने पत्रकार र संसद भवन नयाँबानेश्वरका कर्मचारी समेत रहेका छन् ।

सचिवालयले गर्नुअघि नै पीसीआर परीक्षण गराएका थप ८ जना सांसदलाई कोरोना पुष्टि भइसकेको थियो । सांसदहरु झलनाथ खनाल, बिना मगर, रघुवीर महासेठ, सुरेशकुमार राई, सुरेन्द्र कार्की (राम कार्की), मन्त्री जुलिकुमारी महतलगायत ८ जनालाई समेत कोरोना संक्रमण भएको संसद सचिवालयले जानकारी दिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह