काठमाडौं – नयाँ भेरियन्टसहित खतरनाक कोरोना भाइरस संक्रमणको महामारी फैलिँदै गएपछि सरकारले राजधानी काठमाडौं उपत्यकामा १ महिना लकडाउन गर्ने तयारी थालेको छ ।

स्वास्थ्य तथा जनसंख्या मन्त्रालयले राजधानी काठमाडौं उपत्यकामा कोरोना नियन्त्रणबाहिर जान लागेकाले १ महिना लकडाउन गर्न सरकारलाई सुझाव दिएको छ ।

यसअघि समेत स्वास्थ्य मन्त्रालयको सुझाव अनुसार नै विद्यालय बन्दको निर्णय भएको थियो । शिक्षा मन्त्रालयले विद्यालय बन्द गर्न नचाहेपनि स्वास्थ्य मन्त्रालयको दबाबपछि सरकारले विद्यालय बन्दको निर्णय लिएको थियो ।

लकडाउन गर्ने स्वास्थ्य मन्त्रालयको सुझाव कोभिड–१९ संकट व्यवस्थापन केन्द्र (सीसीएमसी) बैठकमा आएपनि निर्णय नभएको स्रोतले जनाएको छ । आज शुक्रबार अपराह्न ४ बजे सीसीएमसीका संयोजक उपप्रधानमन्त्री ईश्वर पोखरेलसहित मन्त्रीले प्रधानमन्त्री केपी शर्मा ओलीलाई पछिल्लो अवस्थाबारे जानकारी गराएर लकडाउनबारे निर्णय लिने जनाइएको छ ।

कोरोना महामारी अझ बढ्दै गएको र भारतमा भयावह अवस्था पुगिसकेकाले लापरवाही रोक्न काठमाडौं उपत्यकामा लकडाउन गर्नु नै पर्ने सुझाव मन्त्रालयले सीसीएमसीलाई दिएको छ ।

लकडाउनको सुझावबारे प्रधानमन्त्री ओलीलाई जानकारी गराएपछि सरकारले आवश्यक निर्णय लिने भएको छ ।

यसअघि पहिलो लहरको कोरोना संक्रमणका बेला सरकार सरकारले महिनौंसम्म लकडाउन गरेको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कामठाडौंमा पहिरो : पुरिएर दुईको ज्यान गयो

अन्तत: काठमाडौं उपत्यका प्रवेश निषेध !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]