काठमाडौं – अकस्मात मष्तिष्कघात भएर गत शुक्रवार बिहान थापाथलीस्थित नर्भिक इन्टरनेसनल हस्पिटलमा भर्ना भएका नेपाली कांग्रेसका नेता तथा पूर्वमन्त्री नविन्द्रराज जोशीको स्वास्थ्यमा ‘चामत्कारिक सुधार’ भएको छ ।

अस्पतालले दिएको पछिल्लो जानकारी अनुसार नेता जोशीले आफैं श्वास फेर्न थालेका छन् भने उनलाई भेन्टिलेटरबाट निकालिएको छ ।

उनको अवस्थामा चामत्कारिक सुधार भएको बताउँदै अस्पतालले गत बिहीवार बिहानदेखि नै भेन्टिलेटरबाट हटाइएको जनाएको छ ।

उपचारमा संलग्न चिकित्सक न्यूरो सर्जन डा. राजीव झाले भेन्टिलेटरबाट हटाएपछि जोशीले सामान्य रूपमा श्वास फेर्न थालेका बताए । उनले भने, ‘यो अनपेक्षित सुधार हो ।’

सोमवार बिहानदेखि चिकित्सकहरूले मशिनले श्वास फेराउने कामलाई घटाउँदै लगेका थिए । अवस्थामा तीव्र सुधार भएपछि बिहीवारदेखि पूर्ण रूपमा भेन्टिलेटरबाट निकालिएको अस्पतालले जनाएको छ ।

सुरूआतमा मष्तिष्कघातका कारण जोशीको बायाँ भागमा प्यारालाइसिस भएको आशंका गरिएको भए पनि बिहीवार साँझदेखि जोशीले बायाँ हातखुट्टा पनि सामान्य रूपमा चलाउन थालेका छन् । तर प्यारालाइसिस नै नभएको भनेर अहिल्यै भनिहाल्ने अवस्था नभएकाले केही दिन हेर्नुपर्ने चिकित्सकले जनाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सत्याग्रही 'ई' को समूहलाई पूर्व उद्योगमन्त्री जोशीको ऐक्यबद्धता

कांग्रेस नेता जोशीले सोधे : काठमाडौंका मेयर विद्यासुन्दर कहाँ छन् ?

जनताको घरघरमा मास्क बाँड्दै कांग्रेस नेता नविन्द्रराज जोशी (फोटो फिचर)

ओली सरकारविरुद्ध अब सशक्त आन्दोलन नै चाहियो : कांग्रेस नेता नविन्द्रराज जोशी

लोकतन्त्रको चीरहरण गर्ने ओलीलाई कांग्रेसले ठेगान लगाउँछ : कांग्रेस नेता जोशी

मस्तिष्कघात भएका कांग्रेस नेता जोशीलाई अहिले कस्तो छ ?