काठमाडौं – नेपाल कम्युनिस्ट पार्टी (नेकपा) प्रचण्ड–माधव पक्षका अध्यक्ष पुष्पकमल दाहाल ‘प्रचण्ड’ प्रधानमन्त्री केपी शर्मा ओलीलाई राजीनामा दिन २ दिने अल्टिमेटम दिएका छन् ।

शुक्रवार नेकपा संसदीय दलको नेता चयन भएपछि पत्रकारहरूलाई प्रतिक्रिया दिँदै प्रचण्डले फागुन २३ गते आईतबार प्रतिनिधिसभा अधिवेशन सुरू हुनुअघि नै राजीनामा दिन ओलीलाई अन्तिमपल्ट मौका दिएका छन् ।

प्रधानमन्त्रीले २ दिनभित्र राजीनामा नदिए अन्तिम विकल्पमा अविश्वासको प्रस्ताव दर्ता गर्ने प्रचण्डले बताए । 

‘अब केपी ओलीले सर्वोच्च अदालतको निर्णयलाई स्वीकार गर्दै आईतवारको संसद बैठकअघि प्रधानमन्त्री पदबाट राजीनामा दिएर सहज निकास दिनुपर्छ । नत्र विकल्पको रूपमा हामी अविश्वासको प्रस्ताव लिएर जान्छौँ,’ उनले भने ।

प्रचण्डले आफूहरू नै आधिकारिक पार्टी भएको जिकिर गर्दै प्रधानमन्त्री ओलीको पक्षमा लागेका सांसद तथा नेता–कार्यकर्तालाई आफ्नो पक्षमा आउन आग्रह समेत गरेका छन् ।

संसदीय दलको नेता रिक्त रहेको अवस्थामा सिंहदरबारमा ज्येष्ठ सदस्यको हैसियतले झलनाथ खनालको अध्यक्षतामा बसेको शुक्रबारको बैठकले पार्टी अध्यक्ष पुष्पकमल दाहाल ‘प्रचण्ड’लाई संसदीय दलको नेता चयन गरेको छ । बैठकले विधिवत रूपमा संसदीय दलको नेता परिर्वतन गरेको प्रचण्डले बताए ।

संसदीय दलको नेता चयन भएपछि अध्यक्ष प्रचण्डले सबै सांसदहरूलाई धन्यवाद दिएका थिए ।

प्रचण्डलाई दल नेता चयन गरेसँगै प्रचण्ड–नेपाल पक्षले आईतवार बस्ने प्रतिनिधिसभा बैठकमा प्रधानमन्त्री केपी ओलीविरुद्ध अविश्वासको प्रस्ताव दर्ता गर्ने तयारी समेत गरेको छ । वरिष्ठ नेता झलनाथ खनालले आफ्नो पक्षमा १११ जना सांसदले स–शरीर उपस्थित भएर हस्ताक्षर गरेको बताएका छन् ।

प्रचण्ड–नेपाल पक्षमा ११५ जना सांसद रहेका र विभिन्न कारणबश योगेश भट्टराई, कृष्णबहादुर महरा, विना पोखरेल र चक्रपाणि खनाल शुक्रबारको बैठकमा उपस्थित हुन नसकेका जनाइएको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा