काठमाडौं – नेपाल कम्युनिस्ट पार्टी (नेकपा) संसदीय दलका प्रमुख सचेतक विशाल भट्टराईले प्रधानमन्त्री केपी शर्मा ओलीविरुद्ध लाग्ने नेकपा सांसदहरूलाई कारवाही हुने चेतावनी दिएका छन् ।

नेकपा प्रचण्ड–नेपाल पक्षका अध्यक्ष पुष्पकमल दाहाल ‘प्रचण्ड’को योजनामा संसदमा ओलीविरुद्ध उत्रिने सांसदलाई कारवाही हुने प्रमुख सचेतक भट्टराईले स्पष्ट पारे ।

शनिवार रिपोर्टर्स क्लब नेपालले आयोजना गरेको साक्षात्कारमा बोल्दै भट्टराईले भने, ‘प्रधानमन्त्री ओली अल्पमतमा हुनुहुन्छ भनेर बाहिर हल्ला चलाइएको छ, तर म दावाका साथ भन्छु, उहाँ बहुमतमा हुनुहुन्छ । आवश्यक पर्दा त्यो हामी देखाउन तयार छौं । उहाँको पक्षमा संख्याको कुरा गर्नुहुन्छ भने पनि १०० भन्दा बढी सांसद छन् ।’

भट्टराईले जनताले नेकपालाई झण्डै दुईतिहाइ बहुमत दिएर पठाएको तर पार्टीभित्रकै केही नेताको स्वार्थका कारण २ वर्ष नपुग्दै प्रधानमन्त्री ओलीलाई हटाउने खेल थालिएको बताए ।

‘प्रधानमन्त्री ओलीलाई प्रधानमन्त्री र अध्यक्ष दुबै पदबाट हटाउने खेल सुरु भयो, यसको आभास पाउनेबित्तिकै उहाँसँग २ वटा विकल्प थिए – एउटा आत्मसमर्पण गर्ने, अर्को संसद विघटन गर्ने, योबाहेक उहाँसँग अर्को विकल्प थिएन । उहाँले भारी मनका साथ प्रतिनिधिसभा विघटन गर्नुभयो,’ भट्टराईले भने ।

सर्वोच्च अदालतले पुस ११ गते प्रतिनिधिसभा पुनर्स्थापना गरेको फैसलालाई सम्मान गर्ने समेत भट्टराईले बताएका छन् ।

भट्टराईले सर्वोच्च अदालतको फैसलाबमोजिम सरकारले प्रतिनिधिसभाको अधिवेशन फागुन २३ गतेका लागि बोलाउन सिफारिस गरिसकेको बताए । संसदमा प्रधानमन्त्रीविरुद्ध अविश्वासको प्रस्ताव आए प्रतिवाद गर्ने समेत भट्टराईले बताएका छन् ।

भट्टराईले प्रचण्ड र माधव कुमार नेपाललाई हालसम्म कारबाही नगरेको समेत बताए । प्रचण्ड हस्याङफस्याङ गर्दै अर्को पार्टीका सभापतिलाई प्रधानमन्त्री बन्न प्रस्ताव गर्दै गएको भन्दै भट्टराईले आलोचना गरेका छन् ।

प्रधानमन्त्री ओलीविरुद्ध संसदमा अविश्वासको प्रस्ताव दर्ता भए डटेर सामना गर्ने भट्टराईले बताए । पार्टीका सांसदहरुले पार्टीको ह्वीप उल्लंघन गरे विधानअनुसार कारबाही गरिने समेत उनले चेतावनी दिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा