काठमाडौं – सीडीएस एन्ड क्लियरिङले लगानीकर्ताको व्यक्तिगत विवरणको गोपनीयतालाई ध्यानमा राख्दै आईपीओ लगायत अन्य धितोपत्र निष्कासनको नतिजा प्रकाशनबारे नयाँ निर्णय गरेको छ ।

सीडीएसले आईपीओको नतिजा सञ्चारमाध्यममा नपठाउन निर्देशन दिएको छ ।

लगानीकर्ताको व्यक्तिगत विवरणको गोपनीयतलाई ध्यानमा राख्दै अब आधिकारिक निकायको वेबसाइटमा मात्रै आईपीओ नतिजा राख्ने सीडीएस एण्ड क्लियरिङका प्रमुख कार्यकारी अधिकृत पूर्णप्रसाद आचार्यले बताएका छन् ।

आईपीओको नतिजा अब सीडीएस एण्ड क्लियरिङको मेरो शेयर, बिक्री प्रबन्धकको वेबसाइट र धितोपत्र निष्कासन भएको सम्बन्धित कम्पनीको वेबसाइटबाट मात्रै राख्न र सञ्चारमाध्यममा नपठाउन निर्देशन दिइएको छ ।

फागुन १४ गत बाँडफाँड हुन लागेको महिला लघुवित्तको आईपीओबाटै नयाँ व्यवस्था लागू हुने आचार्यले बताएका छन् ।

धितोपत्र केन्द्रीय निक्षेप सेवा विनियमावलीले गरेको व्यवस्था अनुसार नै आधिकारिक निकायबाट मात्रै आईपीओको नतिजा हेर्नसक्ने व्यवस्था गरिएको आचार्यले जानकारी दिए ।

‘सीडीएससीका कर्मचारी, निक्षेप सदस्य तथा निष्कासनकर्ता संगठित संस्था वा रजिस्ट्रारले हितग्राहीसँग सम्बन्धित विवरण, तथ्यांक वा जानकारीका सम्बन्धमा कानून बमोजिम अधिकारप्राप्त निकायबाट माग भएको अवस्थामा बाहेक गोप्यता कायम राख्नुपर्नेछ,’ धितोपत्र केन्द्रीय निक्षेप सेवा विनियमावलीको परिच्छेद १० बुँदा नम्बर ४७ मा उल्लेख छ ।

‘हितग्राही नम्बरबाट लगानीकर्ताको गोप्य सूचना बाहिर गयो भन्ने गुनासो आइरहेको थियो । विनियमावलीमा पनि लगानीकर्ताको विरवण आधिकारिक निकायबाट माग भए बाहेक दिन नमिल्ने र गोप्य राख्नुपर्ने व्यवस्था छ,’ उनले भनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

महिला लघुवित्तले बाँड्यो आईपीओ, १५ लाख आवेदक रित्तो हात !

आज नयाँ आईपीओ खुल्दै, कति कित्तासम्म पर्न सक्छ ?

आईपीओमा १० कित्ता हटाएर ५० कित्ता अनिवार्य गर्ने तयारी, यसो गर्दा फाइदा कि घाटा ?