संसद पुनःस्थापना भएको थाहा पाएपछि प्रचण्डले चितवनबाट भने यस्तो कुरा !
संसद पुनःस्थापना भएको थाहा पाएपछि प्रचण्डले चितवनबाट भने यस्तो कुरा !
काठमाडौं – सर्वोच्च अदालतले प्रतिनिधिसभा संसद पुनःस्थापनाको फैसला गरेपछि नेकपा प्रचण्ड–नेपाल पक्षका अध्यक्ष पुष्पकमल दाहाल ‘प्रचण्ड’ले गृहजिल्ला चितवनबाट प्रतिक्रिया दिएका छन् ।
चितवन जिल्लामा रहेका अध्यक्ष प्रचण्डले संसद पुनःस्थापनाको फैसला भएपछि खुसी व्यक्त गरेका हुन् ।
‘नेपाली जनताको जित भएको छ,’ उनले भने, ‘अदालतप्रति जनताको विश्वास सुदृढ भएको छ ।’ प्रचण्डसँग अर्का अध्यक्ष माधवकुमार नेपाल पनि चितवनमै रहेका छन् । संसद पुनःस्थापनाको माग गर्दै प्रचण्ड नेकपाले चरणवद्ध आन्दोलन गरेको थियो ।
यस्तै, सर्वाेच्च अदालतले प्रतिनिधिसभा संसद पुनःस्थापना गरिदिएपछि नेपाली कांग्रेसका चर्चित युवा नेता गगनकुमार थापा हर्षित भएका छन् ।
सामाजिक सञ्जालमा लेख्दै नेता थापाले ‘हामी सबैलाई बधाई !’ भन्दै प्रतिक्रिया जनाएका छन् । उनले लेखेका छन्, ‘संविधानविरुद्ध षड्यन्त्र र सेटिङको शासन गर्ने प्रधानमन्त्रीको दुस्साहसलाई खारेज गर्दै सर्वोच्च अदालतले संविधानको रक्षा गरेको छ । अदालतले विना भय र दबाब विवेकसम्मत रूपमा संविधानको पक्षमा दृढतापूर्वक आफूलाई उभ्याउँदै न्यायालयप्रतिको जनविश्वासलाई थप उच्च बनाएको छ ।’
सर्वाेच्च अदालतले प्रतिनिधिसभा विघटन गर्ने प्रधानमन्त्री र राष्ट्रपतिको निर्णयलाई बदर गर्दै संसद पुनःस्थापना गरेको छ । प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासले प्रतिनिधिसभा विघटन बदर गर्ने फैसला गरेको हो ।
संवैधानिक इजलासमा न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी रहेका थिए ।
सर्वोच्च अदालतले फैसलामा १३ दिनभित्र प्रतिनिधिसभा बैठक बोलाउनुपर्ने आदेश दिएको छ । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीबाट गत पुस ५ गते प्रतिनिधिसभा विघटन भएको थियो । राष्ट्रपतिले आगामी बैशाख १७ र २७ गते चुनाव गर्ने गरी मिति घोषणा गरेकी थिइन् । तर अदालतले त्यसलाई बदर गरिदिएको छ ।
प्रतिनिधिसभा विघटन असंवैधानिक भन्दै नेकपा संसदीय दलका प्रमुख सचेतक देव गुरुङसहित कानून व्यवसायीले १३ वटा रिट सर्वोच्च अदालतमा दायर गरेका हुन् । सर्वोच्चमा परेका रिटमाथि पुस ८ गतेदेखि सुनुवाइ भएको थियो ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४