केपी ओलीलाई सुनाउने गरी ‘निर्मला पन्तको बलात्कारी खै ?’ भन्ने ६ अधिकारकर्मीहरू पक्राउ
केपी ओलीलाई सुनाउने गरी ‘निर्मला पन्तको बलात्कारी खै ?’ भन्ने ६ अधिकारकर्मीहरू पक्राउ
काठमाडौं – बलात्कारपछि हत्या गरिएकी कञ्चनपुरकी १३ वर्षीया निर्मला पन्तको न्यायका लागि प्रदर्शनमा उत्रिएका ६ जना अधिकारकर्मीलाई प्रहरीले पक्राउ गरेको छ ।
प्रधानमन्त्री केपी शर्मा ओली कञ्चनपुर आएका बेला न्याय माग्दै प्रदर्शनमा उत्रिएका अधिकारकर्मी महिलाहरूलाई प्रहरीले पक्राउ गरेको हो । ओली कार्यक्रम सकेर फर्किएपछि पक्राउ परेको ६ घण्टापछि अधिकारकर्मीहरूलाई छाडिएको छ ।
ओलीले वेदकोट नगरपालिकामा पर्ने दैजीछेला औद्योगिक क्षेत्रको शिलान्यास गर्न जाने क्रममा ‘निर्मला पन्तको बलात्कारी खै ?’ लेखेको टी–शर्ट लगाएका अधिकारकर्मीलाई सोमबार दिउँसो प्रहरीले नियन्त्रणमा दिएको हो ।
प्रदर्शनमा उत्रिएका अधिकारर्मीहरु शारदा चन्द, मीना भण्डारी, लक्ष्मी मल्ल, निर्मला जोशी, आनन्दी राना र खडक विष्टलाई इलाका प्रहरी कार्यालय झलारीले दिउँसो पक्राउ गरेको थियो । अधिकारकर्मीहरुलाई साँझ ६ बजेपछि रिहा गरिएको प्रहरीले जनाएको छ ।
निर्मलाको बलात्कारपछि हत्या गरेको ३ वर्ष पुग्दा समेत हत्यारा पत्ता नलगाएको अवस्थामा न्यायका लागि टी–शर्ट लगाएर कुनै पनि गलत क्रियाकलाप नगरेको अधिकारकर्मीको दाबी रहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४