काठमाडौं – नेपाल कम्युनिस्ट पार्टी (नेकपा) प्रचण्ड–नेपाल पक्षले सबै केन्द्रीय सदस्यलाई जुनसुकै बेला जस्तोसुकै निर्णय लिनुपर्ने भन्दै तयारी अवस्थामा रहन निर्देशन दिएको छ ।

शुक्रवार पार्टी कार्यालय पेरिसडाडाँमा बसेको केन्द्रीय कमिटीको अनौपचारिक बैठकमा अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले केन्द्रीय सदस्यहरूलाई तयारी अवस्थामा रहन निर्देशन दिएका छन् ।

जुनसुकै बेला जस्तोसुकै निर्णय लिनुपर्ने हुन्छ, तपाईंहरू तयारी अवस्थामा रहनुहोला’ भनेर अध्यक्षद्वयले निर्देशन दिएपछि बैठकमा सन्नाटा छाएको थियो ।

बैठकमा अध्यक्षद्वय प्रचण्ड र नेपालले समसामयिक राजनीतिक अवस्थाबारे जानकारी गराएका थिए । प्रतिनिधिसभा संसद् विघटनविरुद्ध पार्टीले गरिरहेको आन्दोलन र त्यसको परिणामबारे जनसंघर्ष समितिका संयोजक एवं पार्टी प्रवक्ता नारायणकाजी श्रेष्ठले बैठकमा जानकारी गराएका छन् ।

बैठकमा प्रचण्ड, नेपाल र श्रेष्ठले संसद् विघटन विरुद्धको आन्दोलनलाई बलियो समर्थन मिल्दै गएको निष्कर्ष समेत सुनाएका छन् । 

बिहीबार सबै केन्द्रीय सदस्यलाई खबर गर्दै प्रचण्ड पक्षले नागरिकतासहित पेरिसडाडाँमा उपस्थित हुन निर्देशन दिएको थियो । बैठकमा उपस्थित केन्द्रीय सदस्यहरूले नागरिकताको प्रतिलिपी बुझाउँदै हस्ताक्षर समेत गरेका छन् ।

सर्वाेच्च अदालतको फैसला आउनै लागेको र निर्वाचन आयोगले आधिकारिकताबारे निर्णय लिने तयारी गरिरहेका बेला प्रचण्ड–नेपालले यस्तो निर्देशन दिनुलाई गम्भीर अर्थमा लिइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा