काठमाडौं – प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटनका क्रममा संविधानमा हुँदै नभएको अधिकार प्रयोग गरिएको टिप्पणी उपराष्ट्रपति नन्दबहादुर पुनले गरेका छन् ।

आज बुधवार काठमाडौंमा नेपाल पत्रकार महासंघको २६ औं महाधिवेशनको उद्घाटन गर्दै उपराष्ट्रपति पुनले संविधानमा हुँदै नभएको अधिकार प्रयोग गरी संसद विघटन गरेर प्रधानमन्त्री ओलीले मुलुकलाई दुर्घटनातिर धकेल्न खोजेको गम्भीर आरोप लगाए ।

‘देश यतिबेला राजनीतिक संकटको भूमरीमा छ । प्रतिनिधिसभा विघटन गरिएको छ र यसको विरुद्धमा प्रदर्शन भइरहेको छ,’ उपराष्ट्रपति पुनले भने, ‘पूर्व प्रधानन्यायाधीश, पूर्व न्यायाधीश, संविधानविद्, नागरिक, पत्रकार र सबै राजनीतिक दलले प्रतिनिधिसभा विघटन असंवैधानिक भनिरहेका छन् । यो राम्रो संकेत होइन ।’

राष्ट्रपति भण्डारीले संसद विघटन अनुमोदन गरेको बेला उपराष्ट्रपति पुनबाट यस्तो अभिव्यक्ति आउनुलाई शक्तिसंघर्षको रूपमा हेरिएको छ । नेपाल कम्युनिस्ट पार्टी (नेकपा) प्रधानमन्त्री ओली र पुष्पकमल दाहाल ‘प्रचण्ड’ पक्षमा विभाजित भएका बेला राष्ट्रपति भण्डारी ओली पक्षीय र उपराष्ट्रपति पुन प्रचण्ड पक्षीय मानिन्छन् ।

यसअघि उपराष्ट्रपति पुनले संसद विघटनविरुद्ध खुलेर अभिव्यक्ति दिएका थिएनन् । उपराष्ट्रपति कार्यालयमा प्रचण्ड र डा. बाबुराम भट्टराईबीच गोप्य कुराकानी भएको समाचार बाहिर आएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा