काठमाडौं – कोरोना भाइरस संक्रमण महामारीको असरबाट तंग्रिने प्रयासमै रहेका बेला निजी क्षेत्रमाथि चन्दाको दबाब थपिएको छ ।

कम्युनिस्ट प्रधानमन्त्री केपी शर्मा ओलीको कदम विरुद्धको आन्दोलन र ओलीको समर्थन दुवैथरि प्रदर्शनका लागि चन्दा दिन निजी क्षेत्रका उद्योगी–व्यवसायी बाध्य भएका छन् ।

सरकार पक्षीय प्रदर्शन र विपक्षमा जारी आन्दोलनले निजी क्षेत्र थप मारमा परेको उद्यमीहरुले जनाएका छन् । दुबै पक्षले आ–आफ्नो पक्षको प्रदर्शनमा सहभागिता जुटाउन उद्योगी व्यवसायीसँग चन्दा उठाउन थालेपछि उद्योगी व्यवसायी सकसमा परेका छन् ।

संघीय राजधानी काठमाडौंमा प्रतिस्पर्धात्मक शैलीमा भएका प्रदर्शनमा जिल्ला–जिल्लाबाट सहभागी पुर्‍याउने नाममा चन्दा उठाइएको छ ।

प्रधानमन्त्री ओलीको सिफारिसमा प्रतिनिधिसभा विघटन भएयता राजनीतिक अन्योल बढेको छ । सत्तासिन नेकपाकै प्रचण्ड–माधव पक्ष सडक आन्दोलनमा छ ।

अन्य विपक्षी दलहरुले पनि प्रधानमन्त्री ओलीको कदमको विरोधमा प्रदर्शन गरिरहेका छन् । ओली समूह समर्थकले प्रधानमन्त्रीको समर्थनमा प्रदर्शन गरेका छन् ।

मुख्य औद्योगिक प्रतिष्ठानहरु रहेको वीरगञ्ज–पथलैया कोरिडोरका उद्योग र प्रतिष्ठानका कार्यालयमा सत्तासिन राजनीतिक दलका पक्षले प्रतिस्पर्धात्मक रुपमा चन्दा उठाइरहेको एक उद्योगीले बताएका छन् ।

प्रधानमन्त्री केपी शर्मा ओलीले नेतृत्व गरेको नेकपा र प्रचण्ड–नेपाल दुबै पक्षले उद्यमी व्यवसायीसँग चन्दा मागेका हुन् ।

दुबै नेकपाका स्थानीय नेताले आन्दोलनमा सहभागिता जुटाउने नाममा व्यवसायीलाई सहयोगका लागि दबाब दिएका छन् । प्रचण्ड–नेपाल पक्ष र ओली पक्षले संघीय राजधानीमा गरेको प्रदर्शनमा सहभागिता जुटाउन भन्दै नेताहरुले चन्दा उठाएका हुन् । आजको आर्थिक अभियान दैनिकमा समाचार प्रकाशित छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा