काठमाडौं – कम्युनिस्ट प्रधानमन्त्री केपी शर्मा ओलीको असंवैधानिक कदमविरुद्ध लगातार आन्दोलनरत नेपाल कम्युनिस्ट पार्टी (नेकपा) प्रचण्ड–नेपाल पक्षले माघ २८ गते बुधवार काठमाडौमा गर्ने बृहत् प्रदर्शनका लागि २४ नेताहरूलाई विशेष जिम्मेवारी तोकेको छ ।

नेकपा केन्द्रीय संघर्ष समितिका अनुसार माघ २८ गते काठमाडौंका मुख्य ५ स्थानबाट जुलुस निकाल्ने तयारी गरिएको छ ।

जुलुस निस्कने ५ स्थानमा विभिन्न नेताहरूलाई जिम्मेवारी तोकिएको छ, जसको अग्रपंक्तिमा पूर्व सभामुख कृष्णबहादुर महरा रहेका छन् ।

जुलुस निस्किने स्थानहरूमा पुल्चोक, त्रिपुरेश्वर, माइतीघर, केशरमहल र जमल तोकिएका छन् ।

पुल्चोकबाट निस्कने जुलुसको नेतृत्व स्थायी समिति सदस्य कृष्णबहादुर महरा, पम्फा भुसाल, रघुजी पन्त, नेताहरू प्रमेश हमाल तथा संघ र प्रदेशका सांसदहरूले गर्ने गरी तोकिएको छ ।

त्रिपुरेश्वरबाट निस्कने जुलुसको नेतृत्व अष्टलक्ष्मी शाक्य, घनश्याम भुसाल, चक्रपाणि खनाल, जनार्दन शर्मा, मुकन्द न्यौपाने, युवराज ज्ञवाली, वर्षमान पुन, सुरेन्द्र पाण्डे, विष्णुपुकार श्रेष्ठ लगायत केन्द्रीय कमिटी सदस्यहरूले गर्ने जनाइएको छ । टोलीमा सम्बन्धित प्रदेश कमिटी, संघ तथा प्रदेशका सांसदहरू समेत रहने भएका छन् ।

माइतीघरबाट निस्कने जुलुसमा नेताहरू अमृतकुमार बोहरा, गणेश शाह, गिरिराजमणि पोखरेल, भीम आचार्य, मातृका यादव, हरिबोल गजुरेल तथा केन्द्रीय कमिटीका सदस्यहरू, सम्बन्धित प्रदेश कमिटी, संघ तथा प्रदेशका सांसदहरु सहभागी हुनेछन् ।

नेताहरू देवप्रसाद गुरुङ, देवेन्द्र पौडेल, भीम रावल, शक्तिबहादुर बस्नेत, केन्द्रीय कमिटी सदस्य, सम्बन्धित प्रदेश कमिटीका सदस्यहरू, संघ तथा प्रदेशका सांसदले केशरमहलबाट निस्कने जुलुको नेतृत्व गर्ने जनाइएको छ ।

जमलबाट निकाल्ने जुलुसमा लिलामणि पोखरेल, केन्द्रीय कमिटी सदस्यहरू, पेशागत संगठन हेर्ने केन्द्रीय सदस्य, पेशागत संगठन हेर्ने केन्द्रीय सदस्यले समन्वय गर्ने केन्द्रीय संघर्ष समितिले जानकारी दिएको छ ।

कार्यक्रमको मूल जुलुस सुन्धाराबाट सुरू हुनेछ । सबैतिरका जुलुस मूल जुलसमा परिणत भएपछि वीर अस्पताल, जमल, घण्टाघर, बागबजार, पुतलीसडक, पद्मोदय मोड हुँदै प्रदर्शनी मार्ग पुगेर जुलुस सभामा परिणत हुने जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा