काठमाडौं – नेपाल कम्युनिस्ट पार्टी (नेकपा) प्रचण्ड–नेपाल पक्षको विद्यार्थी संगठन अनेरास्ववियुले मन्त्रीहरूले सरकारी गाडी चढेमा तोडफोड गर्ने चेतावनी दिएको छ ।

प्रधानमन्त्री केपी शर्मा ओलीलाई विरोधपत्र बुझाउन सिंहदरबार अगाडि पुगेका विद्यार्थीले सरकारलाई चेतावनी दिएका हुन् ।

विरोधपत्र बुझाउन प्रधानमन्त्री ओलीले समय नदिएपछि अनेरास्ववियूका सहसंयोजक रञ्जीत तामाङले सिंहदरबार अगाडि आयोजित धर्नापछि विरोधपत्र सार्वजनिक गरेका छन् ।

सहसंयोजक तामाङले प्रतिनिधिसभा असंवैधानिक भएको र त्यसपछि प्रधानमन्त्रीले चालेका हरेक कदम असंवैधानिक भएको भन्दै विरोधपत्र बुझाउने तयारी गर्दा समय नपाएकाले विरोधपत्र सार्वजनिक गर्नुपरेको बताएका छन् ।

विरोध पत्रमा प्रधानमन्त्रीले भ्रष्टाचारमा मुछिएका व्यक्तिलाई संरक्षण गरेको भन्दै आपत्ति प्रकट गरिएको छ ।

‘जनतामा जतासुकै काला बादलहरू मडारिएका छन् । यतिबेला देश रोइरहेको छ, तपाई विभिन्न खाले प्रहसन देखाउन मस्त हुनुहुन्छ । तपाईंले भ्रष्टाचार गर्दिन र अरुलाई पनि गर्न दिन्न भन्नुभयो । तर भ्रष्टाचारमा चुर्लुम्म डुबेर गनाएर बदनाम भएका पात्रलाई निरन्तर संरक्षण गरिरहनुभयो,’ विरोध पत्रमा उल्लेख छ, ‘यती प्रकरण, बालुवाटार जग्गा प्रकरण, वाइडबढी प्रकरण आदि सबैमा तपाईंको प्रस्ट देखिने गरीको संरक्षकत्व रह्यो ।’  

विरोधपत्र सार्वजनिक गर्दै तामाङले आफ्नो भोटबाट प्रधानमन्त्री बनेका ओलीले असन्तुष्टि सुन्ने धैर्यता नगरेको भन्दै अब प्रधानमन्त्री नै नमान्ने बताएका छन् । तामाङले अनेरास्ववियुले अब मन्त्री सरकारी गाडी चढे तोडफोड गर्ने चेतावनी समेत दिए ।

‘राज्यको करबाट तेल भरेर मन्त्री सरकारी गाडी चढे त्यो तोडफोड गर्छौं,’ उनले भनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा